आइची-नागोया, 04 अक्टूबरमासः (हि.स.)। जापानदेशस्य आइचीनागोयायां सेप्टेम्बरमासस्य १९ दिनाङ्कात् प्रारब्धानाम् एशियाईक्रीडानां २०२६ तमे वर्षे आयोजनस्य रविवासरे औपचारिकरूपेण समापनम् अभवत्। नागोयास्थिते मिजुहो पार्क एथलेटिक स्टेडियम इत्यत्र आयोजिते भव्ये समापनसमारोहे भारतीयदलस्य ध्वजवाहिका निशानेबाजः नीरूढाण्डा आसीत्। सा पूर्णोत्साहेन हस्ते त्रिरङ्गध्वजं धृत्वा भारतीयदलस्य नेतृत्वं कृतवती।

समारोहस्य प्रारम्भः जापानदेशस्य राष्ट्रगीतेन अभवत्। ततः क्रीडकानां सञ्चलनं प्रारब्धम्, यस्मिन् विभिन्नदेशानां ध्वजवाहकाः स्वस्वदलानां नेतृत्वं कृतवन्तः। भारतस्य पक्षतः नीरूढाण्डया त्रिरङ्गध्वजः धृतः। सा त्रिरङ्गध्वजं लहरयन्ती अग्रे अगच्छत् तथा तया सह भारतीयदलमपि स्वस्य उत्कृष्टप्रदर्शनेन उत्साहितं दृश्यते स्म। नीरूढाण्डया एतासु एशियाईक्रीडासु उत्कृष्टं प्रदर्शनं कृत्वा द्वे स्वर्णपदके एकं रजतपदकं च इति कुलत्रीणि पदकानि प्राप्तानि।

दोहा करिष्यति एकविंशतितमस्य एशियाईक्रीडासंस्करणस्य आतिथ्यम्

एशियाईक्रीडानां एकविंशतितमस्य संस्करणस्य आतिथ्यं कतरदेशस्य दोहानगरं करिष्यति, यत् २०३० तमे वर्षे भविष्यति। दोहानगरं द्वितीयवारम् एशियाईक्रीडानाम् आतिथ्यं करिष्यति। इतः पूर्वं २००६ तमे वर्षे अपि तेन एतासां क्रीडानाम् आतिथ्यं कृतम् आसीत्। समापनसमारोहे एशियाक्रीडापरिषदः ध्वजः दोहानगरस्य प्रतिनिधिभ्यः समर्पितः। समापनसमारोहे सहस्रशः क्रीडकाः, अधिकारिणः दर्शकाश्च उपस्थिताः आसन्।

२१ स्वर्णपदकैः सह ८५ पदकैः भारतं चतुर्थस्थाने

भारतं एशियाईक्रीडा २०२६ तमे वर्षे २१ स्वर्णपदकानि, २७ रजतपदकानि तथा ३७ कांस्यपदकानि इति कुलतः ८५ पदकानि प्राप्तवान्। अस्मिन् प्रदर्शनेन भारतं पदकतलिकायां चतुर्थस्थाने स्थितम्। भारतं स्वस्य अभियानस्य समापनं पुरुषहॉकीक्रीडायां स्वर्णपदकेन कृतवान्।

किन्तु अस्यां वारं भारतस्य प्रदर्शनं २०२२ तमे वर्षे हाङ्गझोउ एशियाईक्रीडासु कृतस्य प्रदर्शनस्य तुलनया न्यूनम् अभवत्। हाङ्गझोउनगरे भारतं विक्रमीणि १०७ पदकानि प्राप्तवान् आसीत्, येषु २८ स्वर्णपदकानि, ३८ रजतपदकानि ४१ कांस्यपदकानि च आसन्। अस्याः तुलनायाः आधारेण अस्मिन् समये भारतस्य कुलपदकानि २२ न्यूनानि तथा स्वर्णपदकानि सप्त न्यूनानि अभवन्।

पदकतलिकायां चीनदेशः शीर्षस्थाने

एशियाईक्रीडा २०२६ तमे वर्षस्य पदकतलिकायां चीनदेशः शीर्षस्थाने अभवत्। चीनदेशेन १६९ स्वर्णपदकानि, ८९ रजतपदकानि तथा ८३ कांस्यपदकानि इति कुलतः ३४१ पदकानि प्राप्तानि। जापानदेशः ८३ स्वर्णपदकैः, ९५ रजतपदकैः तथा ९१ कांस्यपदकैः इति कुलतः २६९ पदकैः द्वितीयस्थाने स्थितः। दक्षिणकोरियादेशः ३९ स्वर्णपदकैः, ४३ रजतपदकैः तथा ६८ कांस्यपदकैः इति कुलतः १५० पदकानि प्राप्य तृतीयस्थाने अभवत्।---------------

Hindusthan Samachar / Dheeraj Maithani