सेवासेतुशिविरे मन्त्री शुक्लः उपस्थितः भविष्यति

भोपालम्, ०४ अक्टोबरमासः (हि.स.)। प्रदेशस्य नवीननवीकरणीयोर्जामन्त्री राकेश शुक्लः रविवासरे अवदत् यत् प्रधानमन्त्रिसूर्यगृहनिःशुल्कविद्युत्योजनायाः विषये नागरिकान् जागरूकान् कर्तुं तथा योजनायाः लाभम् अधिकाधिकपरिवारेभ्यः प्रापयितुम् उद्देश्येन सम्पूर्णप्रदेशे ‘सेवासेतुशिविराणि’ आयोज्यन्ते। पञ्चमे अक्टोबरदिने ग्वालियरे तथा षष्ठे अक्टोबरदिने भोपालनगरे सेवासेतुशिविराणि आयोजयिष्यन्ते।

मध्यप्रदेशमध्यक्षेत्रविद्युद्वितरणकम्पन्या प्रकाशितकार्यक्रमानुसारं पञ्चमे अक्टोबरदिने २०२६ तमे वर्षे ग्वालियरस्य मेलामैदाने तथा षष्ठे अक्टोबरदिने भोपालनगरस्य शाहपुराक्षेत्रे सेवासेतुशिविराणि आयोजयिष्यन्ते। शिविराणां माध्यमेन नागरिकेभ्यः प्रधानमन्त्रिसूर्यगृहनिःशुल्कविद्युत्योजनासम्बद्धाः सूचनाः प्रदास्यन्ते।

सौरौर्जायाः विषये नागरिकेभ्यः सूचना प्रदास्यते

प्रधानमन्त्रिसूर्यगृहनिःशुल्कविद्युत्योजनायाः माध्यमेन आवासीयक्षेत्रेषु गृहच्छदेषु सौरविद्युत्संयन्त्राणां स्थापनं प्रोत्साह्यते। योजनायाः अन्तर्गतं गृहाणां छदेषु सौरौर्जासंयन्त्राणि स्थापयितुं नागरिकेभ्यः योजनासम्बद्धानां सुविधानां प्रक्रियायाश्च विषये सूचनाः प्रदीयन्ते।

सेवासेतुशिविराणां माध्यमेन नागरिकेभ्यः योजनायाः पात्रता, आवेदनप्रक्रिया, गृहच्छदेषु सौरविद्युत्संयन्त्राणां स्थापना तथा योजनासम्बद्धाः अन्याः आवश्यकसूचनाः एकस्मिन्नेव स्थाने प्रदातुं प्रयासः करिष्यते। शिविरे नागरिकाः स्वजिज्ञासानां योजनासम्बद्धविषयाणां च समाधानाय सम्बन्धिताधिकारिभ्यः मार्गदर्शनमपि प्राप्तुं शक्ष्यन्ति।

भोपालग्वालियरयोः आयोजयिष्यन्ते शिविराणि

ग्वालियरे पञ्चमे अक्टोबरदिने मेलामैदाने तथा भोपालनगरे षष्ठे अक्टोबरदिने शाहपुराक्षेत्रे आयोज्यमानयोः शिविरयोः कृते सम्बन्धिताधिकारिभिः आवश्यकव्यवस्थाः सुनिश्चिताः क्रियन्ते। कार्यक्रमस्य उद्देश्यं नागरिकेभ्यः योजनासम्बद्धाः सूचनाः सरलतया सुगमतया च प्रापयितुं तथा अधिकाधिकपरिवारान् सौरौर्जायाः उपयोगाय जागरूकान् कर्तुम् अस्ति।

नवीननवीकरणीयोर्जामन्त्री शुक्लः शिविरयोः अध्यक्षतां कुर्वन् नागरिकैः सम्बन्धितविभागीयाधिकारिभिश्च सह संवादं करिष्यति। शिविरयोः आयोजनकाले प्रधानमन्त्रिसूर्यगृहनिःशुल्कविद्युत्योजनायाः विभिन्नपक्षाणां विषये सूचनाः प्रदास्यन्ते तथा नागरिकेभ्यः गृहच्छदेषु सौरविद्युत्संयन्त्राणि स्थापयितुम् आवश्यकं मार्गदर्श

नं प्रदास्यते।

Hindusthan Samachar / Dheeraj Maithani