मुम्बई, ४ अक्टोबरमासः (हि.स.)। राष्ट्रियस्वयंसेवकसङ्घस्य सरसङ्घ-चालकः डॉ. मोहनभागवतः मध्यप्रदेशस्य प्रवासे अस्ति। सः मङ्गलवासरे, ६ अक्टोबरदिने, बालाघाटजनपदस्य लाञ्जीविकासखण्डस्य कारञ्जाग्रामे नवनिर्मितस्य स्मृतिभवनस्य बालासाहेब-देवरस-नेत्रालयस्य च लोकार्पणं करिष्यति। अस्य कार्यक्रमस्य कृते व्यापकाः सज्जताः कृताः सन्ति।

कारञ्जाग्रामे स्मृतिभवनस्य माधव-नेत्रालयेन सञ्चालितस्य बालासाहेब-देवरस-नेत्रालयस्य च निर्माणं कृतम् अस्ति। लोकार्पणकार्यक्रमः अपराह्णे २:३० वादने प्रस्तावितः अस्ति। डॉ. भागवतः सुरक्षायै कठोराः व्यवस्थाः कृताः सन्ति। कार्यक्रमस्य आयोजनं बालासाहेब-भाऊराव-देवरस-सेवान्यासस्य, कारञ्जायाः, तत्त्वावधाने क्रियते।

कारञ्जाग्रामस्य सम्बन्धः राष्ट्रियस्वयं-सेवकसङ्घस्य इतिहासेन सहापि अस्ति। एतत् सङ्घस्य तृतीयसरसङ्घचालकस्य बालासाहेब-देवरसस्य वरिष्ठप्रचारकस्य भाऊराव-देवरसस्य च पैतृकग्रामः अस्ति। तयोः स्मृतौ अत्र स्मृतिभवनस्य निर्माणं कृतम् अस्ति। बालासाहेब-भाऊराव-देवरस-सेवान्यासस्य अध्यक्षः डॉ. पवनस्थापकः, उपाध्यक्षः अरविन्दमार्डीकरः सचिवश्च सचिन-अग्रवालः अस्मिन् लोकार्पणकार्यक्रमे सार्वजनिककार्यक्रमे च जनान् सादरं आमन्त्रितवन्तः।

Hindusthan Samachar / Divya Ranjan