उत्तमविचारान् प्रस्तुतवद्भ्यः स्टार्टअप्-समूहेभ्यः विजेतृ-उपविजेतृ-पुरस्कारौ प्राप्तौ

झाँसी, ०५ अक्तूबरमासः (हि.स.)। संवादस्य सङ्कल्पस्य सफलतायाश्च मूलमन्त्रैः सह बुन्देलखण्डविश्वविद्यालयस्य गान्धीसभागारे सोमवासरे यू.पी. राइज् इति कार्यक्रमस्य आयोजनम् अभवत्। बुन्देलखण्डविश्वविद्यालयस्य कुलपतिः प्रोफेसर् मुकेश पाण्डेयः कार्यक्रमस्य उद्घाटनं कृतवान्। आयोजने नवाचारी युवानः स्वकीयान् स्टार्टअप्-विचारान् प्रस्तुतवन्तः। कार्यक्रमे बुन्देलखण्डविश्वविद्यालयस्य सह समीपस्थेभ्यः बहुभ्यः जनपदेभ्यः आगताः विद्यार्थिनः नवाचारिणश्च भागं गृहीतवन्तः।

अस्मिन् अवसरे युवभ्यः नवाचारिभ्यश्च योगिसर्वकारस्य तासां योजनानां विषये सूचना प्रदत्ता, याभिः माध्यमेन ते स्वकीयस्टार्टअप्-कार्ये आर्थिकसहायतां व्यवसायाय ऋणं वा प्राप्तुं शक्नुवन्ति। कार्यक्रमस्थले एतासु योजनासु पञ्जीकरणाय सम्बन्धितविभागैः काउण्टर् स्थापिताः।

अस्मिन् आयोजने द्वादश स्टार्टअप्-समूहानां दलैः स्वकीयाः विचाराः प्रस्तुताः। तेषु अभिषेकस्य निशान्तस्य च ‘ऑन् मिन्ट्’ इति स्टार्टअप् विजेता घोषितः, यदा तु जुनैद रिजवानस्य सागरस्य च ‘इक्षू’ इति स्टार्टअप्-समूहाय उपविजेतृ-पुरस्कारः प्रदत्तः। आयोजने बहवः स्टार्टअप्-संस्थापकाः, विद्यार्थिनः, विश्वविद्यालयस्य शिक्षकाः, स्टार्टअप्-मार्गदर्शकाः, विशेषज्ञाश्च उपस्थिताः आसन्। नवाचारी युवभिः स्वकीयाः विचाराः प्रस्तुताः, तेषां विषये विशेषज्ञैः सुझावाः प्रदत्ताः तथा योगिसर्वकारस्य योजनानां माध्यमेन आर्थिकसहायतां प्राप्तुं विधयः अपि कथिताः।

कार्यक्रमे मुख्यातिथिरूपेण उपस्थितः कविः मुकुलशर्मा युवभ्यः स्वकीयाः रचनाः श्रावयित्वा तेषां मनोरञ्जनं कृतवान्।

मार्गदर्शकरूपेण निर्णायकमण्डलस्य सदस्यरूपेण च कनेक्स्ट् मारकॉमस्य निदेशकः अलाय रिजवी, स्टूफिट्-संस्थायाः मुख्यकार्यकारी अधिकारी डॉ. सैयद् शुजात् हैदर जाफरी, इन्स्टिट्यूशन्स् इनोवेशन काउन्सिलस्य अध्यक्षः डॉ. नूर आलम खान् च उपस्थिताः आसन्। तदतिरिक्तं बुन्देलखण्डविश्वविद्यालयस्य प्रोफेसर् एम. एम. सिंहः, डॉ. सन्दीपः अन्ये च उपस्थिताः आसन्।

कार्यक्रमं सम्बोधयन् बुन्देलखण्डविश्वविद्यालयस्य कुलपतिः प्रोफेसर् मुकेश पाण्डेयः अवदत् यत् विकसितभारतस्य २०४७ इत्यस्य संकल्पनायाः पूर्तौ यू.पी. राइज् इत्यादीनि आयोजनानि सहायकानि सिद्धानि भविष्यन्ति। युवभिः अवसराणां लाभं स्वीकर्तुं सज्जैः भवितव्यम्। इदम् आयोजनम् अवसरस्य नवाचारस्य आत्मनिर्भरतायाश्च प्रेरणां प्रदास्यति।

Hindusthan Samachar / Dheeraj Maithani