Enter your Email Address to subscribe to our newsletters
नवदिल्ली, ७ अक्टोबरमासः (हि.स.)। भाजपायाः राष्ट्रीयाध्यक्षः नितिननवीनः प्रधानमन्त्रिणः नरेन्द्रमोदिनः सर्वकार-प्रमुखरूपेण २५ वर्षाणां पूर्त्यवसरे तं शुभकामनाभिः अभिनन्द्य अवदत् यत् सः जनसेवां स्वजीवनस्य ध्येयं कृत्वा सत्तां सेवायाः माध्यमरूपेण स्वीकृत्य राष्ट्र-सेवायाः पथि निरन्तरम् अग्रे गतवान्।
इन्दिरागान्धी-क्रीडाङ्गणे इन्दौरे आयोजिते कार्यक्रमे बुधवासरे सम्बोधनं कुर्वन् नितिननवीनः अवदत् यत् प्रधानमन्त्रिणः नरेन्द्रमोदिनः २५ वर्षाणाम् अनवरतायाः अविचलायाश्च सेवासमर्पणयात्रायै सः १४० कोटिदेशवासिनां भाजपायाः च लक्षशः कार्यकर्तॄणां पक्षतः हार्दिक्य: शुभकामनाः अभिनन्दनं च समर्पयति।
सः अवदत् यत् २५ वर्षेषु प्रधानमन्त्रिणा नरेन्द्रमोदिना परिश्रमेण समर्पणेन च देशवासिनां जीवने विकासस्य, आत्म-विश्वासस्य, स्वाभिमानस्य च प्रकाशं प्रसारयितुं निरन्तरं प्रयासः कृतः। भाजपाध्यक्षः अवदत् यत् प्रधानमन्त्रिणः नरेन्द्रमोदिनः सार्वजनिकजीवनं जनसेवां राष्ट्रसेवया सह संयोजयितुं राजनीतिं च सेवायाः माध्यमरूपेण कर्तुं कृतस्य सङ्कल्पस्य यात्रा अभवत्।
उल्लेखनीयं यत् प्रधानमन्त्रिणा नरेन्द्रमोदिना ७ अक्टोबर २०२६ दिनाङ्के सर्वकारप्रमुखरूपेण स्वस्य २५ वर्षाणि पूर्णानि। तस्य सार्वजनिकजीवनस्य एषा यात्रा ७ अक्टोबरमासे २००१ तमे गुजरातस्य मुख्यमन्त्रिरूपेण आरब्धा आसीत्। सः गुजरातस्य मुख्यमन्त्रिरूपेण निरन्तरं त्रिवारं कार्यकालं पूर्णवान्।
गुजरातस्य मुख्यमन्त्रिरूपेण प्रायः १३ वर्षाणां दायित्वं निर्वह्य नरेन्द्रमोदी २६ मे २०१४ दिनाङ्के देशस्य प्रधानमन्त्रीरूपेण शपथं गृहीतवान्। ततः २०१९ तमे वर्षे द्वितीयवारं तथा जून २०२४ तमे वर्षे निरन्तरं तृतीयवारं प्रधानमन्त्री अभवत्। एवं मुख्यमन्त्रीपदात् प्रधानमन्त्रीपदपर्यन्तं तस्य प्रायः सार्धद्विदशकस्य यात्रायाः पूर्तिः अभवत्।
जून २०२६ तमे वर्षे प्रधानमन्त्रिणा नरेन्द्रमोदिना निरन्तरकार्यकालस्य दृष्ट्या महत्त्वपूर्णा उपलब्धिः प्राप्ता। सः निरन्तरं दीर्घतमकालपर्यन्तं सेवां कृतवान् निर्वाचितप्रधानमन्त्री अभवत्। अस्मिन् विषये सः पूर्वप्रधानमन्त्रिणः जवाहरलाल-नेहरू इत्यस्य निरन्तरकार्यकालस्य अभिलेखं अतिक्रान्तवान्।
२५ वर्षाणाम् अस्यां यात्रायां गुजरातस्य मुख्यमन्त्रीपदात् देशस्य प्रधानमन्त्री-पदपर्यन्तं नरेन्द्रमोदिना विभिन्नेषु राष्ट्रियेषु अन्ताराष्ट्रियेषु च मञ्चेषु भारतस्य प्रतिनिधित्वं कृतम्।
Hindusthan Samachar / Divya Ranjan