उज्जयिनी, ०७ अक्टोबरमासः (हि.स.)। मध्यप्रदेशस्य उज्जयिन्यां स्थिते विश्व-प्रसिद्धे श्रीमहाकालेश्वरमन्दिरे बुधवासरे प्रातः भस्मारार्तिक्याः समये भगवान् महाकालः आकर्षकेण गणेशस्वरूपेण विभूषितः। भस्म-समर्पणानन्तरं बाबा महाकालः भक्तेभ्यः साकारस्वरूपेण दर्शनं दत्तवान्। भगवतः भाङ्गेन, चन्दनेन, सिन्दूरेण च शृङ्गारः कृतः। तदनन्तरं रजतमुकुटेन, रजत-मुण्डमालया, रुद्राक्षमालयया सुगन्धित-पुष्पैश्च बाबा महाकालस्य अलङ्कारः कृतः।

आश्विनमासस्य कृष्णपक्षस्य द्वादश्यां तिथौ प्रातः मन्दिरस्य कपाटाः उद्घाटिताः। सर्वप्रथमं वीरभद्रं प्रणम्य स्वस्तिवाचनं कृतम्। तेषाम् आज्ञां प्राप्य रजतद्वारम् उद्घाटितम्। तदनन्तरं गर्भगृहस्य पटाः उद्घाटिताः तथा पूजारिभिः भगवतः महाकालस्य पूजनम् आरब्धम्। भगवतः जलाभिषेकं कृत्वा दुग्धेन, दधिना, घृतेन, मधुना, शर्करया फलरसैश्च निर्मितेन पञ्चामृतेन अभिषेकः कृतः। पञ्चामृत-पूजनानन्तरं कपूरारार्तिकी कृता।

भस्मसमर्पणात् पूर्वं विशेषपूजनम्

भस्मारार्तिक्याः पूर्वं प्रथमघण्टालं वादयित्वा भगवते हरिओम-जलम् अर्पितम्। मन्त्राणाम् उच्चारणस्य मध्ये भगवतः महाकालस्य ध्यानं पूजनं च कृतम्। तदनन्तरं ज्योतिर्लिङ्गं वस्त्रेण आच्छाद्य विधिविधानपूर्वकं भस्म समर्पितम्। महानिर्वाणी-अखाडापक्षतः अपि भगवते महाकालाय भस्म समर्पितम्। भस्मसमर्पणानन्तरं बाबा महाकालस्य गणेशस्वरूपेण शृङ्गारः कृतः। भाङ्गेन, चन्दनेन, सिन्दूरेण च भगवतः स्वरूपं सज्जीकृतम्। शेषनागस्य रजतमुकुटं, रजतमुण्डमाला, रुद्राक्षमाला तथा सुगन्धितपुष्पाणां मालाः समर्पिताः। आभरणैः बाबा महाकालस्य दिव्यः अलङ्कारः कृतः।

नन्दिनः कर्णे श्रद्धालुभिः कथिता मनोकामना

भस्मारार्तिक्यां बहुसंख्यकाः श्रद्धालवः सम्मिलिताः। बाबा महाकालस्य दर्शनानन्तरं श्रद्धालुभिः नन्दीमहाराजस्य पूजनं कृत्वा तस्य कर्णस्य समीपे स्वीयाः मनोकामनाः निवेदिताः। मन्दिरपरिसरः बाबा महाकालस्य जयघोषैः प्रतिध्वनितः अभवत्। मान्यता अस्ति यत् भस्मसमर्पणानन्तरं भगवान् महाकालः निराकारस्वरूपात् साकारस्वरूपं प्राप्य भक्तेभ्यः दर्शनं ददाति।

Hindusthan Samachar / Divya Ranjan