वाराणसी, 8 अक्टूबरमासः (हि.स.)।भारतीयजनतापक्षस्य राष्ट्रियाध्यक्षः नितिननवीनः वाराणसीयात्रायाः द्वितीयदिने गुरुवासरे काशीविश्वनाथमन्दिरे दर्शनपूजनं कृतवान्। ततः सः महात्मागान्धीकाशीविद्यापीठे आयोजिते ‘युवासंवादः-२०२६’ इति कार्यक्रमे युवाभिः सह प्रत्यक्षं संवादं कृतवान्। सः युवानां प्रश्नान् श्रुतवान् तथा शिक्षा, रोजगारः, नवोद्यमाः, कृत्रिमबुद्धिमत्ता, डिजिटलमाध्यमं विकसितभारतस्य लक्ष्यं च सम्बद्धेषु विषयेषु स्वविचारान् प्रस्तुतवान्।

नितिननवीनः उक्तवान् यत् युवानां विचाराः सुझावाश्च अत्यन्तं महत्त्वपूर्णाः सन्ति। सः उक्तवान् यत् युवामित्राः मह्यमपि सुझावान् ददतु। युवानां मनसि ये भावाः भवन्ति, ते अत्यन्तं सुव्यवस्थिताः भवन्ति। सः सम्मुखस्थं व्यक्तिं दृष्ट्वा स्वमतं न निर्माति। सः उक्तवान् यत् भारतं युवानां देशः अस्ति। युवान् विभिन्नवर्गेषु विभज्य तेषां सामर्थ्यं न अवलोकनीयम्, अपि तु तेषां क्षमतां ज्ञात्वा तस्याः समुचितः उपयोगः करणीयः।

भाजपाध्यक्षः विद्यापीठस्य जनसञ्चारविषयस्य स्वर्णपदकविजेत्र्या निशासिंहया सह उपविश्य युवाभिः संवादं कुर्वन् उक्तवान् यत् युवानः स्वकीयायां विरासतायां गौरवं कुर्वन्तु, तदैव भारतं २०४७ तमवर्षपर्यन्तं विकसितराष्ट्रं भविष्यति। सः उक्तवान् यत् देशे सार्धद्विलक्षाधिकाः नवोद्यमाः सन्ति, ये युवानां सृजनशीलतायाः परिणामाः सन्ति।

नितिननवीनः उक्तवान् यत् देशे प्रायः सार्धद्विलक्षं नवोद्यमानि सन्ति तथा एषा उपलब्धिः युवानां प्रयत्नानां परिणामः अस्ति। भारतस्य युवा केवलं रोजगारप्राप्ता न भविष्यति, अपि तु रोजगारप्रदाता भविष्यति। सः उक्तवान् यत् आगामिकाले भारतं कृत्रिमबुद्धिमत्तायाः प्रमुखं केन्द्रं भविष्यति। देशस्य चिकित्सासहायताव्यवस्थां सुदृढां कुर्वन् शिक्षाव्यवस्थामपि रोजगाराभिमुखीं करिष्यते, येन मानवशक्तिः कौशलशक्तौ परिवर्तयितुं शक्यते।

सः युवानः जीवनस्य सङ्घर्षात् पृष्ठतः न हटितुं तथा सामाजिकमाध्यमेषु प्रसारितं मिथ्यासामग्रीं नेत्रमुद्रित्वा न विश्वसितुम् आहूतवान्। सः उक्तवान् यत् कस्यापि सूचनायाः प्रसारणात् पूर्वं तस्याः सत्यतायाः परीक्षणं करणीयम्।

अस्मिन् अवसरे विश्वविद्यालयस्य एका छात्रा पृष्टवती यत् अधुना युवानः सामग्रीनिर्माणे डिजिटलमाध्यमे च जीविकां पश्यन्ति। एतादृशे सति उत्तरप्रदेशसर्वकारः सामग्रीनिर्मातृभ्यः डिजिटल-उद्यमिभ्यश्च कृते किं चिन्तयति। अन्यया छात्रया पृष्टं यत् २०४७ तमे वर्षे एव किमर्थम्, २०२६ तमवर्षपर्यन्तमेव भारतं विकसितं राष्ट्रं किमर्थं न भवेत्? किं युवानां मनोवृत्तौ परिवर्तनं न आगन्तव्यम्?

अस्याः प्रश्नस्य उत्तरं ददन् भाजपाध्यक्षः उक्तवान् यत् कृत्रिमबुद्धिमत्ताक्षेत्रे महत् निवेशम् आगतम् अस्ति। भारतं शीघ्रमेव कृत्रिमबुद्धिमत्तायाः प्रमुखं केन्द्रं भविष्यति। यस्य देशस्य इतिहासः उत्तमः न भवति, तस्य विरासत् अपि उत्तमा न भवति। उत्तरप्रदेशः परिवर्तितः अस्ति। अत्र विकासकार्याणि प्रचलन्ति। पूर्वं प्रदेशस्य नाम श्रूयमाणे माफियानां हत्यायाश्च चर्चा भवति स्म, अधुना तु द्रुतमार्गाः निर्मीयन्ते इति कथ्यते। रक्षापट्टिका अपि निर्मीयते, यस्मिन् प्रदेशस्य युवमित्रेभ्यः चत्वारिंशत्प्रतिशतं रोजगारः प्राप्यते।

नितिननवीनः उक्तवान् यत् पूर्वसर्वकाराणां काले युवानः स्वशक्तेः दुरुपयोगं कुर्वन्ति स्म, किन्तु अधुना एतादृशं न भवति। देशे विधिशिक्षायाः प्रोत्साहनं दीयते। विधिमहाविद्यालयाः उद्घाट्यन्ते। सूचनाप्रौद्योगिक्याः केन्द्राणि प्रत्येकस्मिन् राज्ये प्रत्येकस्मिन् जनपदे च सम्प्राप्यन्ते।

---------------

Hindusthan Samachar / Dheeraj Maithani