Enter your Email Address to subscribe to our newsletters
जयपुरम्, ८ अक्टोबरमासः (हि.स.)। मुख्यमन्त्रिणः भजनलालशर्मणः नेतृत्वे राज्यस्य विशेषरूपेण दुर्बलजनजातीय-समूहेभ्यः मूलभूतसुविधानां प्राप्तिं सुनिश्चित्य तान् विकासस्य मुख्यधारायां संयोजयितुं कार्यं क्रियते। प्रधानमन्त्रिणा नरेन्द्रमोदिना प्रारब्धं प्रधानमन्त्री-जनजातीय-आदिवासी-न्याय-महाभियानम् बारांजनपदे निवसतां सहरियाजनजातीय-पीवीटीजी-समुदायानां विकासाय प्रभावी सिद्धं जातम्।
पीएम-जनमन इत्यस्य अन्तर्गतं बारांजनपदस्य किशनगञ्जे, शाहाबादे च सहितेषु अष्टसु खण्डेषु आवासः, मार्गाः, पेयजलम्, शिक्षा, स्वास्थ्यं, विद्युत्, आङ्गनवाडीकेंद्राणि इत्यादीनां मूलभूत-सुविधानां विस्तारः क्रियते। उल्लेखनीयं यत् राजस्थानस्य सहरिया-जनजातीय-पीवीटीजी-समुदायस्य जनसंख्या प्रायः १,३०,००० अस्ति। ते बारांजनपदस्य १४९ ग्रामपञ्चायतानां ३२४ राजस्वग्रामेषु निवसन्ति।
पीएम-जनमनस्य अन्तर्गतं राज्ये प्रधानमन्त्री-ग्रामीण-आवास-योजनायाः अधीनं १४,६७१ आवासानां निर्माणं पूर्णं जातम्। स्वच्छपेयजलस्य उपलब्धतायै ४,००० तः अधिकेभ्यः परिवारेभ्यः नलसम्बन्धाः तथा १६,००० तः अधिकेभ्यः वञ्चितेभ्यः पात्रेभ्यः परिवारेभ्यः विद्युत्सम्बन्धाः प्रदत्ताः सन्ति। तदनन्तरं जनजातीयक्षेत्रेषु मार्गसम्पर्कं सुदृढं कर्तुं २२ मार्गाणां निर्माणकार्यं पूर्णं जातम्।
शिक्षायै कौशलविकासाय च प्रोत्साहनम्
जनजातीययूनां भविष्यं समुन्नतं कर्तुं शिक्षायै कौशलविकासाय च विशेषं बलं दीयते। पीएम-जनमनस्य अन्तर्गतं १५ बहुउद्देशीयकेन्द्राणि, ५१ आङ्गनवाडी-केंद्राणि तथा ५१ वनधनकेन्द्राणि सञ्चालितानि सन्ति। अपरतः २ छात्रावासानां निर्माणकार्यं पूर्णं जातम्, अन्येषां १९ छात्रावासानां कार्यं २०२७ तमस्य वर्षस्य जूनमासपर्यन्तं पूर्णं करिष्यते।
आरएसएलडीसी-संस्थया पीवीटीजी-समुदायेषु रोजगारस्य अवसरान् कार्यकौशलं च वर्धयितुं ६२१ व्यक्तिभ्यः कौशलविकासस्य प्रशिक्षणं प्रदत्तम्। स्वास्थ्य एवं परिवारकल्याणविभागेन जनजातीयक्षेत्रेषु ८ चलचिकित्सा-एककानि सञ्चाल्यन्ते, यैः दूरस्थक्षेत्रेषु स्वास्थ्यसेवाः प्राप्यन्ते। एताभिः सेवाभिः अधुना यावत् २,४५,००० तः अधिकाः जनाः लाभान्विताः सन्ति।
किम् अस्ति पीएम-जनमन?
२०२३ तमे वर्षे प्रधानमन्त्रिणा नरेन्द्रमोदिना १८ राज्येषु एकस्मिन् केन्द्रशासितप्रदेशे च निवसतां ७५ पीवीटीजी-समुदायानां सामाजिक-आर्थिकविकासाय पीएम-जनमनस्य शुभारम्भः कृतः। अस्य उद्देश्यम् एतेभ्यः समुदायेषु सुरक्षितावासः, स्वच्छपेयजलम्, शिक्षा, स्वास्थ्यं, पोषणम्, मार्गाः, विद्युत् तथा स्थायिजीविकायाः अवसराः इत्यादीनां मूलभूतसुविधानां उपलब्धिं सुनिश्चितं कर्तुम् अस्ति।
पीएम-जनमन-योजना जनजातीय-समुदायानां सामाजिकसुरक्षां, आर्थिक-सशक्तीकरणं सम्मानपूर्वकं जीवनं च प्रदातुं सततं कार्यं कुर्वती अस्ति। राज्यसर्वकारस्य समयबद्धक्रियान्वयनेन विभागीयसमन्वयेन च जनजातीयक्षेत्रेषु मूलभूतसुविधाः सुलभतया उपलब्धाः भवन्ति।
Hindusthan Samachar / Divya Ranjan