लखनऊ, 09 अक्टूबरमासः (हि.स.)।

भारतीयजनतापार्टीदलस्य प्रत्याशिरूपेण राज्यसभायाः सदस्यत्वेन निर्विरोधं निर्वाचितः सन् मन्त्रिमण्डलमन्त्री धर्मपालसिंहः दलस्य नेतृत्वं प्रति कृतज्ञतां प्रकटितवान्। सः अवदत् यत् दलस्य शीर्षनेतृत्वेन तस्मिन् विश्वासः प्रकटितः अस्ति।

धर्मपालसिंहः अवदत् यत् सः समाजस्य जनान् सङ्गठयित्वा सम्पूर्णे उत्तरप्रदेशे भ्रमणं करिष्यति तथा च २०२७ तमे वर्षे भाजपायाः प्रचण्डबहुमतयुक्तसर्वकारस्य निर्माणाय प्राणपणेन परिश्रमं करिष्यति।

सः अवदत् यत् तादृशेन सामान्यकार्यकर्त्रा, येन मण्डलाध्यक्षरूपेण दलस्य कार्यकर्तृत्वेन कार्यस्य आरम्भः कृतः, तेन अद्य भारतीयजनतापार्टीदलस्य माध्यमेन राज्यसभायाः सदस्यरूपेण कार्यं कर्तुम् अवसररूपा महती उपलब्धिः प्राप्ता।

निर्वाचनप्रमाणपत्रं प्राप्तवन्तः धर्मपालसिंहः सर्वप्रथमं हजरतगञ्जे स्थितायाः वीराङ्गनायाः अवन्तीबाईलोधी इत्यस्याः प्रतिमायाः समीपं गत्वा पुष्पाञ्जलिं समर्प्य माल्यार्पणं कृतवान् तथा च श्रद्धासुमनांसि अर्पितवान्। ततः सः नगरनिगमपरिसरे झण्डीपार्के स्थापितायाः पूर्वमुख्यमन्त्रिणः श्रद्धेयस्य बाबूकल्याणसिंहस्य प्रतिमायाः समीपं प्रत्यक्षं गत्वा स्वकीयम् निर्वाचनप्रमाणपत्रं तस्य श्रीचरणयोः समर्पितवान्।

धर्मपालसिंहः अवदत् यत् एतत् प्रमाणपत्रं हिन्दुत्वस्य पुरोधसा बाबूकल्याणसिंहेन समाजे कृतस्य जनजागरणस्य प्रतिफलम् अस्ति। एषा उपलब्धिः धर्मपालसिंहस्य व्यक्तिगत उपलब्धिः नास्ति, अपितु समाजस्य उपलब्धिः अस्ति। अतः अस्याः उपलब्धेः वास्तविकः अधिकारी समाजः एव अस्ति।

सः अवदत् यत् एषः तस्य जीवनस्य भावुकः क्षणः अस्ति, यस्य वर्णनं सः शब्दैः कर्तुं न शक्नोति। बाबूजी इत्यस्य चरणयोः प्रणम्य तेन प्रदत्तानां शिक्षाणाम् अनुसरणं कर्तुं प्रयासं करिष्यामि इति सः उक्तवान्। तस्य राजनैतिकजीवने बाबूजी इत्यस्य मार्गदर्शनं बहुधा प्राप्तम्। अद्य सः भौतिकरूपेण अस्माभिः सह नास्ति, तथापि तस्य पारलौकिकी छाया आजीवनं मया सह स्थास्यति इति धर्मपाल

सिंहः अवदत्।

Hindusthan Samachar / Dheeraj Maithani