Enter your Email Address to subscribe to our newsletters
नवदिल्ली, 09 अक्टूबरमासः (हि.स.)।प्रधानमन्त्री नरेन्द्रमोदी असमराज्यस्य नौगाँवलोकसभाक्षेत्रे पश्चिमबङ्गराज्यस्य नन्दीग्रामे रेजीनगरे च विधानसभाक्षेत्रेषु सम्पन्नेषु उपनिर्वाचनेषु विजयप्राप्तवद्भ्यः भाजपाप्रत्याशिभ्यः शुक्रवासरे अभिनन्दनम् अयच्छत्। सः अवदत् यत् एतेषां निर्वाचनपरिणामानां माध्यमेन भाजपा राष्ट्रियजनतान्त्रिकगठबन्धनस्य च सुशासनकार्यसूच्याः प्रति जनसमर्थनं पुनरेकवारं स्पष्टतया अभिव्यक्तम् अस्ति।
प्रधानमन्त्री पुदुच्चेरीराज्यस्य थट्टाञ्चावडीविधानसभाक्षेत्रे विजयप्राप्तये राष्ट्रियजनतान्त्रिकगठबन्धनस्य सहयोगिदलं सर्वभारतीयम् एन.आर. काँग्रेस (ए.आई.एन.आर.सी.) इत्येतदपि अभिनन्दितवान्।
प्रधानमन्त्री सामाजिकमाध्यममञ्चे ‘एक्स’ इत्यत्र प्रकाशितेन सन्देशेन जनानां निरन्तरसमर्थनाय कृतज्ञतां प्रकटितवान् तथा च भाजपाकार्यकर्तॄणां परिश्रमस्य प्रशंसाम् अकरोत्। सः अवदत् यत् एषः जनादेशः जनकल्याणाय तेषाम् आकाङ्क्षाणां पूर्तये च क्रियमाणान् प्रयासान् अधिकं सुदृढान् करिष्यति।
मोदी अवदत् यत् भाजपा राष्ट्रियजनतान्त्रिकगठबन्धनश्च जनानाम् उज्ज्वलतरस्य अधिकसमृद्धस्य च भविष्यस्य निर्माणाय निरन्तरं कार्यं करिष्यतः।
------------
Hindusthan Samachar / Dheeraj Maithani