फिरोजाबादः, ३१ अक्टोबरमासः (हि.स.)। भ्रष्टाचारस्य धनापहरणस्य च आरोपैः सम्बद्धे प्रकरणे प्रस्तुतस्य परिवादस्य विषये स्वपक्षं प्रस्तोतुं भाजपाविधायकः मनीष असीजा शनिवासरे मुख्यन्यायिक-दण्डाधिकारीमहोदयस्य न्यायालये उपस्थितः अभवत्। अस्य प्रकरणस्य अग्रिमश्रवणाय नवम्बरमासस्य २० दिनाङ्कः निर्धारितः अस्ति।

शिवसेनानेता पण्डितराजवीशर्मा न्याया-लये एकं परिवादं प्रस्तुतवान् अस्ति। तस्मिन् तेन तत्कालीननगरपालिकायाः अध्यक्षस्य तथा वर्तमानभाजपा-विधायकस्य मनीष-असीजस्य सहितं एकादशजनानां विरुद्धं महापुरुषाणां प्रतिमानां निर्माणे भ्रष्टाचारस्य तथा सर्वकारीधनस्य अपहरणस्य आरोपाः कृताः सन्ति।

परिवादे उल्लिखितानाम् आरोपाणां विषये स्वपक्षं प्रस्तोतुं न्यायालयेन विधायकं मनीष-असीजेन सह सर्वेभ्यः एकादश-जनेभ्यः आह्वानादेशात् पूर्वं सूचनापत्राणि प्रेषितानि आसन्। शनिवासरे अस्मिन् प्रकरणे विधायकः मनीष-असीजा मुख्यन्यायिकदण्डाधिकारी विजयकुमार-वर्मणः न्यायालये उपस्थितः अभवत्। अस्मिन् अवसरे तस्य पक्षतः वरिष्ठः अधिवक्ता राजेशकुलश्रेष्ठः तथा अन्ये सहयोगिनः अधिवक्तारः अपि न्यायालये उपस्थिताः आसन्। न्यायालयस्य कार्यवाही अनन्तरं अग्रिमश्रवणाय नवम्बरमासस्य २० दिनाङ्कः निर्धारितः।

Hindusthan Samachar / Divya Ranjan