हल्द्वानी, १३ नवम्बरमासः (हि.स.)। गौलानद्यां नन्धौरनद्यां च खननकार्ये नियोजितानां यानानां स्वामित्वपरिवर्तन-प्रक्रियायाः गतिं वर्धयन् जनपदप्रशासनेन महत्त्वपूर्णा कार्यवाही कृता। जनपदाधिकारी ललितमोहन-रयालस्य निर्देशानुसारं गौलानद्यां पञ्जीकृतानां ४३१ खननयानानां तथा नन्धौरनद्याः ५० यानानां स्वामित्वपरिवर्तनं कृतम्।

खननसमितेः अस्याः प्रक्रियायाः अन्तर्गतं खननयानानां स्वामित्वपरिवर्तनसम्बद्धं कार्यं सम्पन्नम्। एतदतिरिक्तं मृतानां यानस्वामिनां आश्रितानां नाम्ना अपि यानानां स्वामित्वपरिवर्तनं कृतम्, येन सम्बन्धितपरिवाराणां कृते सहायता प्राप्ता।

जनपदप्रशासनस्य अस्य प्रयत्नस्य फलस्वरूपं खननव्यापारेण सम्बद्धेभ्यः यानस्वामिभ्यः मृतानां यानस्वामिनां आश्रितेभ्यः च महती सुविधा प्राप्ता। स्वामित्वपरिवर्तनप्रक्रियायाः सम्पन्नतया अधुना सम्बन्धिताः यानस्वामिनः नियमानुसारं स्वयानानां सञ्चालनं कर्तुं शक्नुवन्ति।

Hindusthan Samachar / Divya Ranjan