रायगढ़म् , 14 नवंबरमासः (हि.स.)।

अडानी फाउण्डेशनेन प्रशिक्षिताः ग्रामीणक्रीडाप्रतिभासम्पन्नाः बालिकाः छत्तीसगढस्य क्रीडाजगति पुनः स्वप्रतिभां प्रदर्शितवत्यः। पेण्ड्रा मरवाही जनपदे आयोज्यमानायाः षड्विंशतितमायाः कनिष्ठराज्यस्तरीयबालिकाकबड्डीप्रतियोगितायाः कृते घोषितायां चतुर्दशसदस्यीयायां रायगढजनपदस्य क्रीडादले अडानी फाउण्डेशनस्य एकादश प्रशिक्षितबालिकाः स्वस्थानं सुनिश्चितवत्यः। २०२२-२३ तमे वर्षे आरब्धस्य नियमितकबड्डीप्रशिक्षणकार्यक्रमस्य उत्तमक्रीडासुविधानां च प्रभावेण अद्य ग्रामीणक्षेत्राणाम् एताः बालिकाः छत्तीसगढस्य क्रीडाक्षेत्रे नूतनानि कीर्तिमानानि स्थापयन्ति।

छत्तीसगढकबड्डीसङ्घस्य तत्त्वावधाने पेण्ड्रा मरवाही जनपदकबड्डीसङ्घेन अस्याः त्रिदिवसीयायाः कनिष्ठराज्यस्तरीयप्रतियोगितायाः आयोजनं २०२६ तमस्य वर्षस्य नवम्बरमासस्य १३ दिनाङ्कात् १५ दिनाङ्कपर्यन्तं क्रियते। रायगढजनपदस्य प्रतिनिधित्वं कुर्वत्यां अस्यां साहसिकक्रीडकानां टोल्यां स्थानं प्राप्तवत्यः अडानी फाउण्डेशनस्य प्रतिभाशालिन्यः क्रीडिकाः सन्ति ऋतु सिदार, सरोजनी भारद्वाज, बिंदिया सिदार, अंजू निषाद, अनीता सिदार, माही गुप्ता, रेशमा, लक्ष्मीन यादव, पुष्पा मैत्री, खुशबू बारेठ तथा गुंजन सिदार।

अडानी फाउण्डेशनेन सञ्चालितायाः अस्याः क्रीडाप्रशिक्षणसंस्थायाः नियमितमार्गदर्शनस्य च प्रभावात् अल्पेनैव काले अत्र प्रशिक्षिताः पञ्चत्रिंशत् बालिकाः राज्यस्तरीयासु तथा पञ्च उत्कृष्टाः बालिकाः राष्ट्रियस्तरीयासु क्रीडास्पर्धासु स्वप्रतिभां प्रदर्शितवत्यः। अधुना एव छत्तीसगढस्य प्रतिष्ठितस्य चक्रधरसमारोहस्य अवसरे आयोजिताायां जनपदस्तरीयकबड्डीप्रतियोगितायाम् अपि अडानी फाउण्डेशनस्य क्रीडादलेन उत्कृष्टं प्रदर्शनं कृत्वा विजेतृपदं प्राप्तम् आसीत्।

क्रीडकानां प्रस्थानस्य चयनस्य च अस्मिन् गौरवपूर्णे अवसरे जनपदस्य एमेच्योर् कबड्डीसङ्घस्य सचिवः राजेश पटनायकः तथा जनपदक्रीडासङ्घस्य पदाधिकारिणः, प्रशिक्षकाः, वरिष्ठाः क्रीडाप्रेमिणश्च उपस्थिताः आसन्। अतिथयः क्रीडकान् विदायं दत्त्वा शुभकामनाः प्रदत्तवन्तः तथा च आशां प्रकटितवन्तः यत् एताः बालिकाः उत्कृष्टं क्रीडाप्रदर्शनं कृत्वा रायगढजनपदस्य सह सम्पूर्णस्य राज्यस्य गौरवं वर्धयिष्यन्ति।

ग्रामीणबालिकानां अस्य उत्कृष्टस्य प्रयासस्य विषये प्रसन्नतां प्रकटयन् अडानी पावर लिमिटेड् रायगढस्य मुख्यकार्यकारी अधिकारी (सञ्चालनं परियोजना च) उक्तवान् यत् ग्रामीणक्षेत्राणां बालिकाः क्रीडाङ्गणे अग्रे गच्छन्त्यः दृष्ट्वा सम्पूर्णस्य क्षेत्रस्य कृते गौरवस्य विषयः अस्ति। तेन उक्तं यत् राज्यस्तरीयप्रतियोगितायै एकादश बालिकानां चयनं तासां कठोरानुशासनस्य, अथकपरिश्रमस्य तथा प्रशिक्षकाणां सम्यक् मार्गदर्शनस्य प्रमाणम् अस्ति।

अपरतः क्रीडायाः संसाधनानां च उपलब्धतायाः विषये बलं ददन् अडानी पावर लिमिटेड् रायगढस्य मुख्यव्यापाराधिकारी उक्तवान् यत् ग्रामीणक्षेत्रेषु निहितानां क्रीडाप्रतिभानां कृते समुचितं मञ्चं, उचितावसराः, आधुनिकसंसाधनानि च उपलब्धानि कर्तुं अडानी फाउण्डेशनस्य सर्वोच्चप्राथमिकतासु अन्यतमा अस्ति। तेन उक्तं यत् अस्माकं प्रशिक्षितानां बालिकानां निरन्तरं जनपदस्तरे, राज्यस्तरे, राष्ट्रियस्तरे च परिचयं प्राप्यमाणं प्रमाणयति यत् अवसरं प्राप्य ताः कस्यापि अन्यस्याः अपेक्षया न्यूनाः न सन्ति। एषा सफलता क्षेत्रस्य अन्याः बालिकाः अपि अग्रे आगन्तुं प्रेरयिष्यति।

उल्लेखनीयं यत् रायगढस्य दूरस्थेषु ग्रामीणक्षेत्रेषु केवलं क्रीडाक्षेत्रे एव न, अपितु शिक्षायाः, उत्तमस्वास्थ्यसेवानां, महिलानां आजीविकायाः तथा कौशलविकासस्य क्षेत्रेषु अपि अडानी फाउण्डेशनम् निरन्तरं कार्यं करोति। क्रीडान् प्रति फाउण्डेशनस्य एषः समर्पितः दृष्टिकोणः ग्रामीणयुवान् मुख्यधारया संयोज्य तेषां निहितां शक्तिं सकारात्मकां दिशं प्रददाति।

Hindusthan Samachar / Dheeraj Maithani