जयपुरम्, १४ नवम्बरमासः (हि.स.)। देहलीमार्गस्थिते श्रीबङ्गालीबाबा-गणेश-मन्दिरे १५ नवम्बरमासे भव्यः अन्नकूटमहोत्सवः आयोजयिष्यते। सायं ३ वादनात् आरभ्यमाणे अस्मिन् आयोजने सहस्रशः श्रद्धालवः पङ्क्तौ उपविश्य अन्नकूटप्रसादं ग्रहीष्यन्ति। मन्दिर-प्रबन्धनानुसारं महोत्सवस्य सर्वाः सज्जताः पूर्णाः सन्ति।

मन्दिरप्रबन्धसमितेः अध्यक्षः नारायण-लाल-अग्रवालः तथा वरिष्ठोपाध्यक्षः संयोजक: सञ्जयगोयलश्च अवदताम् यत् अस्मिन्नवसरे प्रथमपूज्यस्य गणेशस्य विशेषः शृङ्गारः विधास्यते तथा च तस्मै आकर्षकं वस्त्रं धारयिष्यते। भगवते अन्नकूटप्रसादस्य भोगः समर्पयिष्यते। मन्दिरपरिसरे स्थिताय स्वयं आत्माराम-महादेवाय अपि प्रसादः समर्पयिष्यते। गणेशस्य सम्मुखे मोदकानां विशेषा प्रदर्शिनी सज्जीकरिष्यते।

महोत्सवे जयपुरस्य विभिन्नानां आवासीयक्षेत्राणाम् अतिरिक्तं देहली-मार्गस्य आगरा-मार्गस्य च क्षेत्रेभ्यः श्रद्धालवः समूहैः आगमिष्यन्ति।

आयोजनसमितेः अनुसारम् अन्नकूट-प्रसादनिर्माणे १०० किलोग्रामपरिमितानां तण्डुलानां, ६०० किलोग्रामपरिमितानां मुद्गानां, ६०० किलोग्रामपरिमितानां काबुलीचनकानां, ६०० किलोग्राम-परिमितस्य गोधूमचूर्णस्य, ४० टङ्कि-परिमितस्य शाकस्य, ४० टङ्किपरिमितस्य कटाहस्य तथा ५०० किलोग्रामपरिमितस्य शर्करायाः उपयोगः करिष्यते। प्रसाद-निर्माणाय एकादशा-धिकासु अङ्गारि-कासु प्रायः १५० पाचका: कार्यं करिष्यन्ति। अपरतः ५०० कार्यकर्तॄणां दलं पङ्क्तौ श्रद्धालुभ्यः प्रसादवितरणे व्यवस्था-सञ्चालने च सहयोगं करिष्यति।

Hindusthan Samachar / Divya Ranjan