नवदिल्ली, १४ नवम्बरमासः (हि.स.)। भारतस्य प्रथमप्रधानमन्त्रिणः पण्डित-जवाहरलालनेहरुमहोदयस्य १२६ तम्यां जन्मजयन्त्यां दिल्लीप्रदेशकाङ्ग्रेस-समितेः अध्यक्षः देवेन्द्रयादवः प्रदेश-कार्यालये राजीवभवने तस्य चित्रपटे पुष्पाञ्जलिम् अर्पयित्वा श्रद्धाञ्जलिम् अर्पितवान्।

पुष्पाञ्जलिसमर्पणकार्यक्रमे देवेन्द्रयादवेन सह अखिलभारतीयकाङ्ग्रेससमितेः दिल्लीप्रभारी काजी निजामुद्दीनः, सचिव-प्रभारी दानिश अबरारः, प्रदेशमहासचिवाः धर्मपालचन्देलः, प्रमोदजयन्तः, जयप्रकाशः, दिल्लीप्रदेश-महिला-काङ्ग्रेसस्य अध्यक्षा पुष्पासिंहः, जनपदाध्यक्षौ राजेशयादवः महेन्द्र-मङ्गलश्च, पूर्वजनपदाध्यक्षः सतबीरशर्मा, अनुसूचितजातिविभागस्य अध्यक्षः सञ्जयनीरजः, नरेशशर्मा नीतू, पङ्कज-गुप्तः तथा योगेशजैनः प्रमुखरूपेण उपस्थिताः आसन्।

देवेन्द्रयादवः अवदत् यत् स्वातन्त्र्यप्राप्तेः अनन्तरं पण्डितनेहरुमहोदयेन यथा देशे लोकतान्त्रिकव्यवस्था स्थापिता तथा दूरदर्शितया सर्वेषां वर्गाणां विकासाय, कल्याणाय समानतायाश्च स्थापनायै कार्यं कृतम्। युवानां शिक्षायै रोजगाराय च तेन ये मार्गाः निर्मिताः, तेषाम् आधारेण एव भारतं विश्वे सुदृढं जातम्। अद्य तस्य उदाहरणं विश्वे दृश्यते, यत्र भारतीययुवानः स्वकीयया शैक्षणिकक्षमतया सर्वत्र स्वप्रतिभायाः परिचयं कारयन्ति। अद्य या सशक्तयुवशक्तिः देशस्य विश्वस्य च विकासस्य आधारशिला अभवत्, तस्याः आधारः पण्डितजवाहरलालनेहरुमहोदयेन भारतं गणराज्यराष्ट्रं विधाय स्थापितः आसीत्।

यादवः अवदत् यत् पण्डितनेहरुमहोदयस्य लोकतन्त्रे, धर्मनिरपेक्षतायां वैज्ञानिक-दृष्टिकोणे च आस्था भारते विशिष्टं परिचयम् अयच्छत्। संविधानस्य निर्माणानन्तरं प्रत्येकं नागरिकं मतदानस्य अधिकारं प्रदाय कोटिशः देशवासिनः स्वकीयस्य शासनस्य चयनस्य अधिकारिणः कृताः।

Hindusthan Samachar / Divya Ranjan