Enter your Email Address to subscribe to our newsletters
नव दिल्ली, 14 नवंबरमासः (हि.स.)।
राष्ट्रपतिः द्रौपदी मुर्मू शनिवासरे बालदिवसस्य अवसरे राष्ट्रपतिभवनस्य सांस्कृतिककेन्द्रे विभिन्नविद्यालयानां संस्थानां च बालकैः सह मिलित्वा तैः सह संवादं कृतवती। अस्मिन्नवसरे सा बालकान् स्वकीयस्वप्नानां साकारार्थं प्रतिबद्धतया, समर्पणभावेन दृढनिश्चयेन च अग्रे गन्तुं प्रोत्साहितवती।
राष्ट्रपतिः सामाजिकमाध्यममञ्चे एक्स इत्यत्र बालकैः सह मिलनस्य छायाचित्राणि प्रसार्य उक्तवती यत् बालदिवसस्य अवसरे तया विभिन्नविद्यालयानां संस्थानां च बालकैः सह मिलित्वा वार्तालापः कृतः। तया बालकेभ्यः स्वप्नपूर्तये प्रतिबद्धतया, लग्नतया दृढसङ्कल्पेन च निरन्तरं प्रयत्नं कर्तुं सन्देशः प्रदत्तः।
राष्ट्रपतिभवनस्य सांस्कृतिककेन्द्रे आयोजितायाम् अस्यां भेंटवार्तायां बालकाः अत्यन्तम् उत्साहेन राष्ट्रपतिना सह मिलितवन्तः। अस्मिन्नवसरे राष्ट्रपतिः बालकैः सह आत्मीयतया संवादं कृतवती तथा जीवनस्य लक्ष्यप्राप्तये निरन्तरं प्रयत्नं कर्तुं तेभ्यः प्रेरणां प्रदत्तवती।
---------------
Hindusthan Samachar / Dheeraj Maithani