काठमांडूः, 15 नवंबरमासः (हि.स.)।

नेपालदेशे वर्तमानस्य आर्थिकवर्षस्य २०२६/२७ प्रथमत्रैमासिके औद्योगिकक्षेत्रे दशसहस्रकोटिरूप्यकाणां निवेशप्रस्तावाः प्राप्ताः। उद्योगविभागे पञ्जीकृतैः १९५ उद्योगैः एते निवेशप्रस्तावाः प्रस्तुताः। उद्योगविभागस्य त्रैमासिकप्रतिवेदनानुसारम् अगस्तमासतः अक्टूबरमासपर्यन्तस्य अवधौ १४ बृहत्, २२ मध्यमाः तथा १५९ लघु-उद्योगाः पञ्जीकृताः। एतेषाम् उद्योगानां माध्यमेन कुलम् १०,२२० जनानां कृते जीविकावसरान् प्रदातुं प्रस्तावः कृतः अस्ति।

विभागानुसारं प्रथमत्रैमासिके सर्वाधिकाः उद्योगाः सूचनाप्रौद्योगिकीक्षेत्रे पञ्जीकृताः। अस्मिन् क्षेत्रे कुलम् ८६ उद्योगाः पञ्जीकृताः। एतेषाम् उद्योगानां माध्यमेन १५८ कोटिरूप्यकाणां निवेशस्य तथा ९५० जनानां कृते जीविकाप्रदानस्य प्रस्तावः कृतः। तथैव पर्यटनक्षेत्रे ४० तथा सेवाक्षेत्रे २३ उद्योगाः पञ्जीकृताः। पर्यटनक्षेत्रस्य उद्योगैः ५६३ कोटिरूप्यकाणां निवेशस्य तथा १,६१८ जनानां कृते जीविकाप्रदानस्य प्रस्तावः कृतः। अपरपक्षे सेवाक्षेत्रे पञ्जीकृतैः उद्योगैः ३२५ कोटिरूप्यकाणां निवेशेन सह ४,१३२ जनानां कृते रोजगारावसरप्रदानस्य योजना प्रस्तुताः।

अस्मिन् अवधौ ऊर्जाक्षेत्रे सर्वाधिकाः निवेशप्रस्तावाः प्राप्ताः। विभागानुसारम् ऊर्जाक्षेत्रे पञ्जीकृतैः त्रिभिः उद्योगैः ७,१३३ कोटिरूप्यकाणां निवेशस्य तथा १७३ जनानां कृते रोजगारप्रदानस्य प्रस्तावः कृतः। तथैव आधारभूतसंरचनाक्षेत्रे पञ्जीकृताभ्यां द्वाभ्यां उद्योगाभ्यां २०७ कोटिरूप्यकाणां निवेशस्य तथा २,३८० जनानां कृते जीविकाप्रदानस्य प्रस्तावः प्रस्तुतः।

विभागानुसारम् अस्मिन् अवधौ विनिर्माणक्षेत्रस्य ३७, कृषिवनक्षेत्रस्य त्रयः तथा खनिजक्षेत्रस्य एकः उद्योगः पञ्जीकृतः। विनिर्माणक्षेत्रस्य उद्योगैः १०८ कोटिरूप्यकाणां निवेशस्य तथा २०७ जनानां कृते रोजगारप्रदानस्य प्रस्तावः कृतः। तथैव कृषिवनक्षेत्रस्य उद्योगैः ११२ कोटिरूप्यकाणां निवेशस्य तथा ७०६ जनानां कृते जीविकाप्रदानस्य प्रस्तावः प्रस्तुतः। अपरपक्षे खनिजक्षेत्रस्य उद्योगैः १६ कोटिरूप्यकाणां निवेशस्य तथा ५४ जनानां कृते रोजगारावसरप्रदानस्य योजना प्रस्तुताः।

सम्पादकीय टिप्पणी: मूलसमाचारे ऊर्जाक्षेत्रस्य निवेशराशिः ७,१३३ कोटिः ३५ इति उल्लिखिता अस्ति, अतः मूलपाठानुसारम् अत्र ७,१३३ कोटिरूप्यकाणि इति लिखितम्।

---------------

Hindusthan Samachar / Dheeraj Maithani