बीकानेरम्, 15 नवंबरमासः (हि.स.)। पुष्करणाब्राह्मणानां लोकसेवकानां द्वितीयः महाकुम्भः ‘पुष्करणा लोकसेवकसमागमः २.०’ इत्यस्य आयोजनं २०२७ तमस्य वर्षस्य जनवरीमासस्य ९ दिनाङ्के भविष्यति।

रविवासरे मुरलीधरव्यासकालोनीस्थे विनायकफैमिलीरिसोर्ट् इत्यत्र आयोजिते पुष्करणालोकसेवकानां दीपावलीस्नेहमिलनसमारोहे एषः निर्णयः कृतः। समारोहस्य संयोजकः रमेशव्यासः अवदत् यत् समागमे जनपदस्य विभिन्नक्षेत्रेभ्यः पुष्करणासमाजस्य सहस्राधिकाः लोकसेवकाः सहभागितां करिष्यन्ति। अस्य आयोजनस्य योजनायाः अन्तिमरूपं आगामीदिनेषु निर्धारितं भविष्यति। सुरेशव्यासः अवदत् यत् पुष्करणब्राह्मणसमाजस्य सेवानिवृत्तकर्मचारिणां जीवनप्रमाणपत्राणां निर्माणार्थम् आगामी शनिवासरे शिविरस्य आयोजनं करिष्यते। सहसंयोजकः सन्दीपपुरोहितः समाजस्य युवानां कृते वृत्तिमार्गदर्शनस्य आवश्यकतां प्रतिपादितवान्।

कार्यक्रमस्य मुख्यातिथिः राजकीयडूंगरमहाविद्यालयस्य प्राचार्यः डॉ. राजेन्द्रपुरोहितः आसीत्। तेन उच्चशिक्षया सम्बद्धानां सम्भावनानां विषये सूचना प्रदत्ता। पुलिसोपाधीक्षकः मुकेशाचार्यः पुलिससेवायां रोजगारस्य अवसराणां विषये सूचितवान्। सेवानिवृत्तः शिक्षाधिकारी मुकेशव्यासः अवदत् यत् समाजस्य युवभ्यः समुचितं मार्गदर्शनं प्राप्यते चेत् ते स्ववृत्तिजीवनं सफलं कर्तुं शक्नुवन्ति। सेवानिवृत्ताधिकारी राकेशव्यासः अवदत् यत् युवभ्यः सर्वकारीयक्षेत्रेण सह निजीक्षेत्रस्य अवसराणाम् अपि परिचयः दातव्यः। पूर्वबैंकाधिकारी एम.एम.एल. पुरोहितः बैंकिङ्गक्षेत्रे रेलसेवायां च रोजगारस्य अवसराणां विषये सूचनां प्रदत्तवान्।

सुभाषजोशी गतवर्षस्य अक्टोबरमासे आयोजितस्य लोकसेवकसमागमस्य विषये सूचितवान्। तेन पुष्करणाहेल्पिङ्गहैण्ड्स इत्यस्य माध्यमेन सञ्चालितानां विभिन्नानां सेवाप्रकल्पानां विषये अपि सूचना प्रदत्ता। विजयव्यासः स्वागतभाषणं कृतवान्। दिनेशकुमारचूरा धन्यवादज्ञापनं कृतवान्। कार्यक्रमस्य सञ्चालनं हरिशङ्कराचार्येण कृतम्।

कार्यक्रमे सहायकनिदेशकः (अभियोजनम्) सञ्जीवपुरोहितः, विजयशङ्कराचार्यः, नारायणचूरा, आशीषाचार्यः, डॉ. उमेशपुरोहितः, मुकेशकिराडू, मिस्टर डेजर्ट राजेन्द्रव्यासः, अजरङ्गा, आनन्दव्यासः, राधेश्यामजोशी, त्रिलोकचन्दबिस्सा, कौशलाचार्यः, नवनीतव्यासः इत्यादयः उपस्थिताः आसन्।

---------------

Hindusthan Samachar / Dheeraj Maithani