Enter your Email Address to subscribe to our newsletters


नवटिहरी, 16 नवंबरमासः (हि.स.)।
वीरभडकफ्फूचौहानस्य स्मारके तस्य प्रतिमायाः अनावरणं कुर्वन् मन्त्रिमण्डलमन्त्री डॉ. धनसिंहरावतः स्वकीयां सांस्कृतिकधरोहरां संरक्षितुं जनानाम् आह्वानम् अकरोत्। तेन उक्तं यत् कफ्फूचौहानस्य वीरता इतिहासे समाविष्टा अस्ति। एतादृशाः वीरपुरुषाः प्रत्येकस्य संतत्याः कृते आदर्शाः भवन्ति। एतेषां महापुरुषाणां बलिदानं इतिहासं च चिरस्थायिरूपेण संरक्षितुं सर्वकारः अपि प्रयत्नशीलः अस्ति।
सोमवासरे नगरस्य प्रवेशद्वारे डायजर इत्यत्र कफ्फूचौहानस्य प्रतिमायाः अनावरणं मन्त्रिमण्डलमन्त्री डॉ. रावतः, टिहरीविधानसभाक्षेत्रस्य विधायकः किशोरउपाध्यायः, प्रतापनगरविधायकः विक्रमसिंहनेगी, भाजपायाः जिलाध्यक्षः उदयरावतः, जिलापञ्चायताध्यक्षः इशितासजवाणः, टिहरीनगरपालिकाध्यक्षः मोहनसिंहरावतः, चम्बानगरपालिकाध्यक्षः शोभनीधनोलाः, खण्डप्रमुखः सुमनसजवाणः, दायित्वधारी खेमसिंहचौहानः तथा पूर्वविधायकः धनसिंहनेगी च संयुक्तरूपेण कृतवन्तः।
मन्त्री रावतः अवदत् यत् उत्तराखण्डस्य ५२ दुर्गेषु अन्यतमस्य उप्पुगढस्य वीरभडकफ्फूचौहानस्य वीरता अद्यापि सर्वान् प्रेरयति। एतादृशाः महापुरुषाः शताब्देषु एकवारमेव जायन्ते। तेषां योगदानस्य विषये अस्माभिः नवसंततये अवगतं कारयितव्यम्।
मन्त्रिणा प्रतापनगरविधानसभाक्षेत्रान्तर्गते ६.६९ कोटिरूप्यकाणां व्ययेन निर्मितस्य राजकीयपॉलीटेक्निकमहाविद्यालयस्य ओखालालभवनस्य लोकार्पणम् अपि कृतम्।
विधायकः किशोरः अवदत् यत् प्रदेशसर्वकारेण पञ्चवर्षीयकार्यकाले टिहरीविधानसभाक्षेत्रे मार्गाणां, स्वास्थ्यसेवानां, पेयजलस्य, सिञ्चनस्य च अनेकाः योजनाः स्वीकृताः सन्ति। प्रतापनगरविधायकः नेगी अवदत् यत् क्षेत्रस्य समग्रविकासाय निरन्तरं प्रयासाः क्रियन्ते।
Hindusthan Samachar / Dheeraj Maithani