Enter your Email Address to subscribe to our newsletters

मुंबई, 18 नवंबरमासः (हि.स.)।
राष्ट्रियपुरस्कारविजेता चलचित्रनिर्माता भारतबाला स्वस्य आगामी बनारसम् इति चलचित्रेण सह पुनः कथाचित्रनिर्देशनक्षेत्रे प्रत्यागच्छन्ति। भारतीयान्तरराष्ट्रीयचलचित्रमहोत्सवस्य २०२६ तमस्य संस्करणे तस्य बनारसम् इति चलचित्रं प्रदर्शयिष्यते।
अस्मिन् चलचित्रे भारतबाला पुनः एकवारं प्रख्यातेन सङ्गीतनिर्देशकेन ए आर रहमानेन सह सम्बद्धाः सन्ति। रहमानः चलचित्रे सङ्गीतप्रदानस्य अतिरिक्तं कार्यकारीनिर्मातुः दायित्वम् अपि निर्वहति। अभिषेकबनर्जी, शाहानागोस्वामी, नीरजकाबी, छायाकदम, इन्दिरातिवारी तथा एण्टनीथासन जेसुथासन इत्येतेषु अभिनेतृषु अभिनेत्रिषु च युक्तस्य अस्य चलचित्रस्य चयनं भारतीयान्तरराष्ट्रीयचलचित्रमहोत्सवस्य आईएफएफआई २०२६ इत्यस्य प्रतिष्ठिते भारतीयदिग्दर्शनचित्राणां विभागे कृतम् अस्ति। चलचित्रस्य भारतदेशे प्रथमं प्रदर्शनम् अपि अस्मिन्नेव महोत्सवे भविष्यति।
भारतीयशास्त्रीयसङ्गीतस्य तथा वाराणस्याः सांस्कृतिकवैभवस्य पृष्ठभूमौ निर्मितम् इदं चलचित्रं पितुः पुत्र्याश्च भावनात्मकसम्बन्धस्य कथां प्रस्तुतं करिष्यति। अस्मिन् द्वयोः पीढ्योः सम्बन्धान्, संवेदनाः तथा पारिवारिकसम्बद्धतां च प्रदर्शितम् अस्ति। चलचित्रे अभिषेकबनर्जी, शाहानागोस्वामी तथा नीरजकाबी इत्यादीनां कलाकाराणां सशक्तः समूहः दृश्यते। भारतबाला चलचित्रस्य चयनविषये प्रसन्नतां प्रकटयन् अवदत् यत् बनारसम् तस्य कृते एकः विशिष्टः सृजनात्मकः प्रवासः आसीत्। ए आर रहमानेन सह पुनः कार्यं करणम् अस्य अनुभवस्य विशेषतां वर्धयति, यतः तस्य सङ्गीतं चलचित्रस्य आत्मनः महत्त्वपूर्णः अंशः अस्ति।
भारतबाला तथा ए आर रहमानः एतस्मात् पूर्वं वन्दे मातरम् तथा जन गण मन इत्यादिषु प्रसिद्धेषु परियोजनासु सह कार्यं कृतवन्तौ। चलचित्रस्य सृजनात्मकदले छायाचित्रग्राहकः मार्क कॉनिक्स, राष्ट्रीयपुरस्कारप्राप्तः सम्पादकः श्रीकरप्रसादः, नृत्यनिर्देशिका बृन्दा मास्टर तथा ऑस्करपुरस्कारविजेता ध्वनिनिर्माता रेसुल पुकुट्टी च सम्मिलिताः सन्ति। शिवहंस पिक्चर्स, शिवानी रावत, जूली गोल्डस्टीन, भारतबाला तथा जननी रविचन्द्रन इत्येतेषां निर्माणे निर्मितं बनारसम् अस्य निर्माणसंस्थायाः प्रथमं हिन्दीभाषायां कथाचित्रम् अस्ति।
उल्लेखनीयम् अस्ति यत् भारतबालाः अस्मात् पूर्वं २०१३ तमे वर्षे धनुषः अभिनीतं मरियान् इति चलचित्रं निर्दिष्टवन्तः।
---------------
Hindusthan Samachar / Dheeraj Maithani