Enter your Email Address to subscribe to our newsletters

बीजापुरम्, १९ नवम्बरमासः (हि.स.)। भोपालपट्टनम्नगरपञ्चायतनिर्वाचनं प्रति भारतीयजनतापक्षेण निर्वाचनसम्बद्धाः सज्जताः तीव्राः कृताः। अस्यैव क्रमस्य अन्तर्गतं गुरुवासरे भोपालपट्टनममण्डले भाजपा-निर्वाचनकार्यालयस्य उद्घाटनं पूर्वमन्त्री महेशगागडा कृतवान्।
अस्मिन् अवसरे मण्डलपदाधिकारिणां कार्यकर्तॄणां च महत्त्वपूर्णा सभा आयोजिता। सभायां नगरपञ्चायत-निर्वाचनस्य रणनीतिः, सङ्घटनस्य सुदृढीकरणम् तथा भाजपासर्वकारस्य जनकल्याणकारीयोजनानां जनजनपर्यन्तं प्रसारणम् इत्यादिषु विषयेषु विस्तृतचर्चा अभवत्।
सभायां नेतारः निर्वाचनक्षेत्रे पूर्णैक्येन कार्यं कृत्वा भाजपायाः विजयः सुनिश्चितं कर्तुं सङ्कल्पं कृतवन्तः। अस्मिन् अवसरे भाजपा-जनपदमहामन्त्री फूलचन्दगागडा, जनपदपञ्चायताध्यक्षः तथा भोपाल-पट्टनमनगरपञ्चायतस्य सहप्रभारी श्रीमती जानकीकोरसा, जनपदपञ्चायत-सदस्यः शकरैयामाण्डवी, महिलामोर्चानेत्री माया-झाडी, भाजयुमो-जनपदाध्यक्षः हरिहरः साहनी, मण्डलाध्यक्षः नरसिंह रेड्डी, मण्डलमहामन्त्रिणौ अरुणभगतः गिरिजा-शङ्करतामडी च तथा बहवः भाजपा-पदाधिकारिणः कार्यकर्तारः च उपस्थिताः आसन्।
Hindusthan Samachar / Divya Ranjan