उज्जयिन्यां अखिलभारतीयकालिदाससमारोहस्य शुभारम्भं २१ नवम्बरदिनाङ्के मुख्यमन्त्री डॉ. यादवः करिष्यति
उज्जयिनी, १९ नवम्बरमासः (हि.स.)। मध्यप्रदेशशासनस्य संस्कृतिविभागस्य तत्त्वावधाने कालिदाससंस्कृत-अकादम्या तथा सम्राट् विक्रमादित्यविश्वविद्यालयेन च अखिलभारतीयकालिदाससमारोहः नवम्बरमासस्य २१ तः २७ दिनाङ्कपर्यन्तं आयोजयिष्यते। समारोहस्य शुभारम्भः नवम्ब
Chief Minister Dr. Yadav will inaugurate All India Kalidas Festival on November 21.


उज्जयिनी, १९ नवम्बरमासः (हि.स.)। मध्यप्रदेशशासनस्य संस्कृतिविभागस्य तत्त्वावधाने कालिदाससंस्कृत-अकादम्या तथा सम्राट् विक्रमादित्यविश्वविद्यालयेन च अखिलभारतीयकालिदाससमारोहः नवम्बरमासस्य २१ तः २७ दिनाङ्कपर्यन्तं आयोजयिष्यते। समारोहस्य शुभारम्भः नवम्बरमासस्य २१ दिनाङ्के सायं षड्वादने कालिदाससंस्कृत-अकादम्याः पण्डितसूर्यनारायणव्याससंकुलस्य सभागारे मुख्यमन्त्रिणः डॉ. मोहनयादवस्य मुख्यातिथ्ये भविष्यति।

समारोहस्य विशिष्टातिथिः भारत-सर्वकारस्य केन्द्रीयसंस्कृतिपर्यटनमन्त्री गजेन्द्रसिंहशेखावतः भविष्यति। संस्कृति-पर्यटनधार्मिकन्यासधर्मस्वविभागस्य राज्यमन्त्री धर्मेन्द्रभावसिंहलोधी समारोहस्य अध्यक्षतां करिष्यति। सांसदौ अनिलफिरोजिया तथा उमेशनाथमहाराजः, प्रभारीमन्त्री गौतमटेटवालः, विधायकाः अनिलजैनकालूहेडा, डॉ. तेजबहादुर-सिंहचौहानः, दिनेशजैन:, सतीशमालवीयः, महेशपरमारः तथा जितेन्द्रसिंहपण्ड्या च उपस्थिताः भविष्यन्ति।

उद्घाटनानन्तरं नान्दीकार्यक्रमस्य अन्तर्गतं उज्जैनस्य वेणुनादनिनाद-नृत्यसंस्थया शिप्रास्तुतिः, कर्नाटकस्य डॉ. केरमाने शिवानन्दहेगडेन यक्षगानस्य प्रस्तुति तथा ग्वालियरस्य राजामान-सिंहतोमर-सङ्गीतकलाविश्वविद्यालयेन वाद्यवृन्दस्य प्रस्तुति: च भविष्यति।

एतत् विवरणं कालिदाससंस्कृत-अकादम्याः निदेशकः डॉ. गोविन्दगन्धे प्रदत्तवान्।

Hindusthan Samachar / Divya Ranjan