Enter your Email Address to subscribe to our newsletters

अन्ताराष्ट्रियकार्यशालायाः द्वितीयदिने परिसम्पत्तिप्रबन्धनस्य तथा संसाधनानां प्रभावी उपयोगस्य विषये मन्थनम्
देहरादूनम्, २० नवम्बरमासः (हि.स.)। प्रदेशस्य सर्वे विभागाः स्वपरिसम्पत्ति-प्रबन्धनयोजनां सुव्यवस्थितरूपेण सुदृढतया च निर्मायन्तु। एतदर्थं स्पष्टानि मापनयोग्यानि च लक्ष्याणि निर्धारितानि भवेयुः। अपरसचिवः आशीष श्रीवास्तवः शुक्रवासरे सुद्धोवालायां आयोजितायाः त्रिदिवसीयायाः अन्ता-राष्ट्रियसह-अध्ययनकार्यशालायाः द्वितीयदिने एतत् उक्तवान्।
अपरसचिवः आशीष श्रीवास्तवः विभागेभ्यः लघु-लघु-सुधारात्मकपरिवर्तनेषु विशेषध्यानं दातुं परामर्शं दत्तवान्। सः अवदत् यत् विभागैः स्पष्टानि मापनयोग्यानि च स्मार्टलक्ष्याणि निर्धारितानि भवेयुः। प्रत्येकं लक्ष्यस्य अनुरूपाणि स्मार्टसूचकानि तथा लक्ष्याङ्काः अपि निर्धारयितव्याः।
सः अवदत् यत् निर्धारितलक्ष्याणां प्राप्तये विभागैः अन्तरविश्लेषणं करणीयम्, येन वर्तमानस्थितेः अपेक्षितपरिणामानां च मध्ये विद्यमानस्य अन्तरस्य परिचयं कर्तुं शक्यते। तदाधारेण योजनानां प्रभावी-करणाय आवश्यकानि कार्याणि तथा हस्तक्षेपाः च चिह्नितुं शक्यन्ते।
सः अवदत् यत् परिसम्पत्तिप्रबन्धन-योजनायाः दीर्घकालिकः लाभः एषः भविष्यति यत् विभागाः स्वविद्यमान-परिसम्पत्तीनां समुचितरक्षणं, संरक्षणं तथा प्रबन्धनं कर्तुं शक्नुवन्ति। एतेन नूतनपरिसम्पत्तिनां निर्माणे अनावश्यक-व्ययः न्यूनः भविष्यति तथा उपलब्ध-संसाधनानां अधिकतमो-पयोगः सम्भविष्यति।
कार्यशालायां विविधसार्वजनिकपरि-सम्पत्तिनां नियोजनं, निर्माणं, सञ्चालनं, रक्षणं तथा दीर्घकालिकोपयोगं अधिकं प्रभावी कर्तुं अन्ताराष्ट्रियविशेषज्ञैः उत्तराखण्डस्य अधिकारिभिश्च विस्तृतकार्य-योजनानां विषये मन्थनं कृतम्।
कार्यशालायां आईएसबीटी आवाससमितेः तथा वाहनस्थानकसुविधायाः, आयुष-चिकित्सालयभवनस्य तथा आवश्यक-सेवानां, शीशमबाडायां मलजलप्रबन्धन-सुविधायाः, ग्रामीणसामुदायिककेन्द्राणां पर्यटनसुविधाकेन्द्ररूपेण विकासस्य, प्रदेशभरि वाहनस्थानसुविधानां, कैंची-धामस्य बहुमञ्जिलवाहनस्थानकस्य तथा ग्रामीणमार्गाधारभूतसंरचनायाः रक्षणस्य प्रबन्धनस्य च विषये चर्चा कृता।
तदतिरिक्तं संयुक्तराष्ट्रस्य आर्थिक-सामाजिककार्यविभागस्य पक्षतः यूएन-आईएएम टूलकिट इत्यस्य उपयोगविषये प्रस्तुतीकरणं प्रदत्तम्।
कार्यशालायां यूएनडीईएसए-संस्थायाः डॉ. डेनियल प्लात्ज इत्यनेन सह नेपालस्य, श्रीलङ्कायाः, भूटानस्य, केन्यायाः तथा घानायाः प्रतिनिधयः विभिन्नविभागानां अधिकारिणश्च भागं गृहीतवन्तः।
Hindusthan Samachar / Divya Ranjan