प्रधानमन्त्रिणः नरेन्द्रमोदिनः नेतृत्वे पञ्चाशत्कोटिजनाः दारिद्र्यरेखायाः बहिरागताः : चिराग पासवानः
नक्सलवादस्य समूलोन्मूलनदिशि निर्णायकं कार्यं कृतम्, प्रभावितयुवान् समाजस्य मुख्यधारायां संयोजयितुं मार्गः प्रशस्तः वैशाली, २१ नवम्बरमासः (हि.स.)। केन्द्रीयमन्त्री हाजीपुरस्य सांसदश्च चिराग पासवानः अवदत् यत् विगतेषु १२-१३ वर्षेषु देशस्य प्रायः पञ
प्रधानमन्त्रिणः नरेन्द्रमोदिनः नेतृत्वे पञ्चाशत्कोटिजनाः दारिद्र्यरेखायाः बहिरागताः : चिराग पासवानः


- नक्सलवादस्य समूलोन्मूलनदिशि निर्णायकं कार्यं कृतम्, प्रभावितयुवान् समाजस्य मुख्यधारायां संयोजयितुं मार्गः प्रशस्तः

वैशाली, २१ नवम्बरमासः (हि.स.)। केन्द्रीयमन्त्री हाजीपुरस्य सांसदश्च चिराग पासवानः अवदत् यत् विगतेषु १२-१३ वर्षेषु देशस्य प्रायः पञ्चाशत्कोटिजनान् दारिद्र्यरेखायाः बहिः आनेतुं कार्यं कृतम्। एषा स्वयमेव महती उपलब्धिः अस्ति, या प्रधानमन्त्रिणः नरेन्द्रमोदिनः दृढसङ्कल्पेन नेतृत्वेन च सम्भवा अभवत्।

प्रधानमन्त्रिणा नरेन्द्रमोदिना शनिवासरे वैशाल्यां नवनिर्मितस्य नीतीशसेतोः उद्घाटनावसरे आयोजितायां जनसभायां सम्बोधयन् चिराग पासवानः अवदत् यत् एकस्मिन् काले न केवलं बिहारराज्यम् अपितु सम्पूर्णः देशः नक्सलवादेन प्रभावितः आसीत्। प्रधानमन्त्रिणः नेतृत्वे नक्सलवादस्य समापनदिशि निर्णायकाः पदक्षेपाः स्वीकृताः सन्ति। तथैव नक्सलवादेन प्रभावितान् युवजनान् समाजस्य मुख्यधारायां संयोजयितुं मार्गः अपि प्रशस्तः अभवत्।

केन्द्रीयमन्त्री अवदत् यत् प्रधानमन्त्रिणः आगामी सङ्कल्पः भारतं नशामुक्तं कर्तुम् अस्ति। बिहारस्य जनतायाः पक्षतः सः आश्वासनम् अददात् यत् अस्य सङ्कल्पस्य पूर्तये प्रत्येकः बिहारी दृढतया प्रधानमन्त्रिणा सह स्थितः अस्ति।

चिराग पासवानः बिहारराज्ये आगमनाय राज्यवासिनः सम्मानितवन्तं प्रधानमन्त्रिणं नरेन्द्रमोदिनं प्रति कृतज्ञतां प्रकटितवान्। सः अवदत् यत् प्रधानमन्त्री देशस्य प्रत्येकस्य क्षेत्रस्य प्रत्येकस्य च वर्गस्य चिन्तां करोति। एतदर्थं सः पुनः एकवारं प्रधानमन्त्रिणे धन्यवादम् अर्पितवान्।

Hindusthan Samachar / Dheeraj Maithani