साञ्ची-नगरे ‘महाबोधि-महोत्सवः’ २८-२९ नवम्बर्-दिनाङ्कयोः, बौद्ध-दर्शनस्य, कलायाः, सङ्गीतस्य, साहित्यस्य च भविष्यति अपूर्वः सङ्गमः
— श्रीलङ्का-जापान-देशयोः कलाकाराणां प्रस्तुतिभिः सह सुविख्यातायाः गायिकायाः सायली-काम्बले-महोदयायाः भविष्यति भक्ति-गायनम् रायसेनम्, २२ नवम्बरमासः (हि.स.)। मध्यप्रदेशस्य रायसेन-मण्डले स्थितायां विश्व-पर्यटन-नगर्यां साञ्च्यां भगवतः बुद्धस्य शान्तेः,
सांची का प्रसिद्ध स्तूप (फाइल फोटो)


— श्रीलङ्का-जापान-देशयोः कलाकाराणां प्रस्तुतिभिः सह सुविख्यातायाः गायिकायाः सायली-काम्बले-महोदयायाः भविष्यति भक्ति-गायनम्

रायसेनम्, २२ नवम्बरमासः (हि.स.)। मध्यप्रदेशस्य रायसेन-मण्डले स्थितायां विश्व-पर्यटन-नगर्यां साञ्च्यां भगवतः बुद्धस्य शान्तेः, करुणायाः, मैत्र्याः, मानवतायाश्च सन्देशं कलायाः संस्कृतेश्च विविधैः माध्यमैः जन-जनं यावत् प्रापयितुम् उद्दिश्य २८ तथा २९ नवम्बर्-दिनाङ्कयोः द्विदिवसीयस्य ‘महाबोधि-महोत्सवस्य’ आयोजनं क्रियमाणम् अस्ति। संस्कृति-विभागेन जनपद-प्रशासनस्य तथा ‘महाबोधि सोसायटी ऑफ् श्रीलङ्का’ इत्यस्याः सहयोगेन प्रतिदिनं सायं ६:३० वादनतः आयोज्यमाने अस्मिन् महोत्सवे देश-विदेशयोः कलाकाराणां सहभागिता स्थास्यति।

संस्कृति-विभागस्य सञ्चालकः एन.पी. नामदेवः रविवासरे सूचनां ददत् न्यवेदयत् यत् २८ तथा २९ नवम्बर्, २०२६ दिनाङ्कयोः साञ्ची-स्थिते ‘बुद्ध-जन्मभूमि-उद्याने’ (पुरातन-विश्राम-भवन-परिसरे) आयोजितः ‘कलासु बौद्ध-विचारम् अधिकृत्य एकाग्रः’ इति भावभूमौ केन्द्रितः अयं महोत्सवः बौद्ध-दर्शनस्य, लोक-संस्कृतेः, सङ्गीतस्य, नृत्यस्य, साहित्यस्य च अपूर्वः सङ्गमः वर्तते। महोत्सवस्य माध्यमेन भगवतः बुद्धस्य विचाराणां सार्वकालिकी प्रासङ्गिकता कलात्मक-अभिव्यक्तीनां माध्यमेन प्रस्तोष्यते।

सः अकथयत् यत् अन्ताराष्ट्रिय-सांस्कृतिक-सहभागितायाः अन्तर्गतं श्रीलङ्का-जापान-देशयोः कलाकाराः स्वकीय-पारम्परिक-लोककलाभिः गायन-प्रस्तुतिभिश्च दर्शक-श्रोतॄन् विभिन्न-देशानां बौद्ध-सांस्कृतिक-विरासतेन सह परिचाययिष्यन्ति। इदम् आयोजनं भारतस्य बौद्ध-परम्परया सम्बद्धानाम् अन्य-देशानां च मध्ये सांस्कृतिक-सम्बन्धान् इतोऽपि प्रगाढान् कर्तुम् अवसरः अपि भविष्यति।

तेनोक्तं यत् महोत्सवस्य प्रथमे दिवसे २८ नवम्बर्-दिनाङ्के श्रीलङ्कायाः कलाकारैः लोकनृत्यस्य गायनस्य च प्रस्तुतीः दास्यन्ते। एतेन सह ‘पञ्चशील-सांस्कृतिक-मञ्चः’, अशोक-पाटिलस्य, भोपाल इत्यस्य निर्देशने नृत्यस्य गायनस्य च प्रस्तुतिं करिष्यति। तत्रैव, मुम्बई-नगर्याः सुविख्यातायाः गायिकायाः सायली-काम्बले-महोदयायाः समूहस्य च द्वारा बौद्ध-तथा-भक्ति-गायनस्य सुरमयी प्रस्तुतिः प्रदास्यते। विविधानां सांस्कृतिक-प्रस्तुतीनां माध्यमेन प्रथमायां सन्ध्यायां बौद्ध-परम्परायाः, आध्यात्मिक-चेतनायाः, लोककलानां च वर्णाः एकसाथ द्रष्टुं लप्स्यन्ते।

महोत्सवस्य द्वितीये दिने २९ नवम्बर्-दिनाङ्के श्रीलङ्का-जापान-देशयोः कलाकारैः लोकनृत्यस्य गायनस्य च प्रस्तुतीः प्रदास्यन्ते। अस्मिन् अवसरे भगवतः बुद्धस्य शिक्षासु केन्द्रितायाम् जातक-कथायां ‘वृत्तिनाशक’ इत्यस्याम् आधारिता नृत्य-नाटिका विशेषम् आकर्षणं भविष्यति, यस्याः प्रस्तुतिः ‘चिल्ड्रन्स् थिएटर् अकादमी’, भोपाल इत्यनया प्रदास्यते। नृत्यस्य नाट्यस्य च माध्यमेन भगवतः बुद्धस्य जीवन-मूल्यानि, शिक्षाः, मानवीय-संवेदनाश्च प्रभावशालि-रीत्या अभिव्यञ्जयिष्यन्ते। द्वितीय-दिवसस्य अन्यत् प्रमुखम् आकर्षणम् ‘अखिल-भारतीय-कवि-सम्मेलनम्’ भविष्यति। अस्मिन् देशस्य प्रतिष्ठिताः कवयः स्वकीय-काव्य-रचनानां माध्यमेन साहित्यिक-रसधारां प्रवाहयिष्यन्ति। अस्मिन् जगदीश-सोलङ्की (कोटा), ममता-शर्मा (आगरा), अङ्किता-सिंहः (वाराणसी), प्रख्यात-मिश्रः (लक्ष्मणपुरम्), विनम्र-सेन-सिंहः (प्रयागराजः), धर्मवीर-धरमः (देहली), लक्ष्मण-नेपाली (रायसेनम्) तथा च रवीन्द्र-शर्मा (ग्वालियरः) सम्मिलिताः सन्ति। कवि-सम्मेलने विविध-भावैः समकालीन-संवेदनाभिश्च ओतप्रोतानां रचनानां माध्यमेन श्रोतृभ्यः साहित्यिक-अभिव्यक्तेः विशिष्टः अनुभवः लप्स्यते।

---------------

Hindusthan Samachar / Divya Ranjan