विपक्षस्य मिथ्याप्रचारस्य जनतायां प्रभावः न भविष्यति, विकासेन सुशासनेन च भाजपा तृतीयवारं सत्तां प्राप्स्यति - बांसुरी
देहरादूनम्, २२ नवम्बरमासः (हि.स.)। भारतीयजनतापार्टी इत्यस्य प्रदेशसह-प्रभारी तथा सांसद बांसुरीस्वराजः अवदत् यत् उत्तराखण्डे भाजपा निरन्तरं तृतीयवारं सर्वकारं निर्मास्यति। विपक्षस्य मिथ्या-प्रचारस्य जनतायां किमपि प्रभावः न भविष्यति। विकासस्य सुशासनस
भाजपा का हरिद्वार में विस्तारित बैठक में उपस्थित  पदाधिकारी और  कार्यकर्ता।


देहरादूनम्, २२ नवम्बरमासः (हि.स.)। भारतीयजनतापार्टी इत्यस्य प्रदेशसह-प्रभारी तथा सांसद बांसुरीस्वराजः अवदत् यत् उत्तराखण्डे भाजपा निरन्तरं तृतीयवारं सर्वकारं निर्मास्यति। विपक्षस्य मिथ्या-प्रचारस्य जनतायां किमपि प्रभावः न भविष्यति। विकासस्य सुशासनस्य च आधारतः जनता पुनः भाजपायै जनादेशं प्रदास्यति।

रविवासरे हरिद्वारे आयोजितायां भाजपायाः विस्तृतप्रदेशकार्यसमितिसभायां सम्बोधयन्ती बांसुरीस्वराजः विपक्षीदलानां भ्रमप्रसारणस्य लोकतान्त्रिकमूल्यानां च दुर्बलीकरणस्य आरोपं कृतवती। सा अवदत् यत् जनता स्वजनादेशेन लोकतन्त्रविरोधीशक्तिभ्यः प्रत्युत्तरं दास्यति तथा स्पष्टं करिष्यति यत् भाजपा तथा प्रधानमन्त्री नरेन्द्रमोदी च कुतोऽपि गन्तुं न उद्यतौ स्तः।

सा अवदत् यत् प्रधानमन्त्री मोदी निरन्तरं देशसेवायां संलग्नः अस्ति। देशस्य उत्तराखण्डस्य च समग्रविकासाय, सुशासनाय तथा जनकल्याणकारी-योजनानां निरन्तरतायै जनैः निर्णयः कृतः अस्ति। यथा देशे भाजपायाः समर्थनं वर्धते, तथैव उत्तराखण्डे अपि दलं निरन्तरं तृतीयवारं पूर्णबहुमतं प्राप्स्यति इति तस्याः विश्वासः अस्ति।

बांसुरीस्वराजः केन्द्र-राज्यसरकाराभ्यां सञ्चालितानां आधारभूतसंरचनाविकास-परियोजनानां विकासपरियोजनानां च उल्लेखं कुर्वती अवदत् यत् एताभिः परियोजनाभिः उत्तराखण्डः विकासस्य नवीनानि शिखराणि आरोहति। सा कार्यकर्तृभ्यः सर्वकारस्य उपलब्धिनां जनकल्याणकारीयोजनानां च जनानां पर्यन्तं प्रसारणाय आह्वानं कृतवती।

Hindusthan Samachar / Divya Ranjan