हल्द्वानी , 03 नवंबरमासः (हि.स.)। उत्तराखण्डमुक्तविश्वविद्यालये राष्ट्रगीतस्य वन्देमातरम् इत्यस्य १५० वर्षपूर्त्यवसरे विश्वविद्यालये चतुर्थचरणस्य शुभारम्भः अभवत्। अयं कार्यक्रमः विश्वविद्यालयस्य माननीयकुलपतेः प्रो. नवीनचन्द्रलोहनीवर्यस्य संरक्षणे मार्गदर्शने च आयोजितः भवति। विश्वविद्यालयेन नवम्बरमासस्य द्वितीयदिनाङ्कतः षष्ठदिनाङ्कपर्यन्तं २०२६ तमे वर्षे विविधाः शैक्षणिकाः सृजनात्मकाः च प्रतियोगिताः आयोजयितुं निर्धारिताः सन्ति।

कार्यक्रमस्य शुभारम्भः कार्यक्रमसंयोजिकया प्रो. रेनूप्रकाशेन कृतः। अस्मिन्नवसरे विश्वविद्यालयस्य शिक्षकाः, कर्मचारीणः शिक्षार्थिनश्च उपस्थिताः आसन्। सर्वैः सामूहिकरूपेण राष्ट्रगीतस्य वन्देमातरम् इत्यस्य गायनं कृतम्।

अस्मिन्नवसरे प्रो. पी. डी. पन्तः कार्यक्रमस्य प्रशंसां कुर्वन् सर्वान् पूर्णोत्साहेन सक्रियतया च अस्मिन् भागं ग्रहीतुं आहूतवान्। विश्वविद्यालयस्य कुलसचिवः श्री खेमराजभट्टः अपि अस्य आयोजनस्य उत्साहपूर्वकं सम्पादनाय सर्वेषां सहभागितायाः सुनिश्चितीकरणाय च बलं दत्तवान्।

कार्यक्रमस्य प्रथमदिने वन्देमातरम् इति विषयमाधृत्य प्रश्नोत्तरीप्रतियोगिता आयोजिता। प्रतियोगितायाः उद्देश्यम् शिक्षार्थिनः राष्ट्रगीतस्य ऐतिहासिकमहत्त्वेन, भारतीयस्वातन्त्र्यसङ्ग्रामे तस्य भूमिकया, राष्ट्रियचेतनया देशभक्तिभावेन च परिचितान् कारयितुम् अस्ति। अस्यां प्रतियोगितायां षोडश प्रतिभागिनः भागं गृहीतवन्तः। प्रश्नोत्तरीप्रतियोगितायां संयोजकेन डॉ. विनोदकुमारेण सह आयोजनमण्डलस्य सदस्याः डॉ. लताजोशी, सुश्री प्रियाबोरा, डॉ. अरुषिध्यानी, डॉ. दीपप्रकाशः, डॉ. दिनेशकाण्डपालः तथा डॉ. गोपालगौनियः अपि उपस्थिताः आसन्।

अस्य आयोजनस्य अन्तर्गतं नवम्बरमासस्य तृतीयदिनाङ्के सामान्यज्ञानप्रतियोगिता, चतुर्थदिनाङ्के चित्रकलाप्रतियोगिता, पञ्चमदिनाङ्के निबन्धप्रतियोगिता तथा षष्ठदिनाङ्के गायनप्रतियोगिता आयोजयिष्यन्ते। गायनप्रतियोगितायाः अनन्तरं पुरस्कारवितरणसमारोहः अपि भविष्यति।

विश्वविद्यालयस्य अस्याः पहलस्य उद्देश्यम् शिक्षार्थिनां सृजनात्मकप्रतिभायाः बौद्धिकप्रतिभायाश्च प्रदर्शनाय मञ्चं प्रदातुं तेषु राष्ट्रप्रेम्णः, सांस्कृतिकचेतनायाः राष्ट्रियैकतायाश्च भावनां प्रोत्साहयितुं च अस्ति।

Hindusthan Samachar / Dheeraj Maithani