Enter your Email Address to subscribe to our newsletters
मीरजापुरम्, 03 नवंबरमासः (हि.स.)।
दीपावल्याः अवसरे निर्धनपरिवाराणां पाकशालासु प्रसन्नताम् आनेतुं प्रधानमन्त्रिणः उज्ज्वलायोजनायाः लाभार्थिभ्यः निःशुल्कगैसपात्रपुनर्भरणस्य सुविधा प्रदत्ता अस्ति। मुख्यमन्त्री योगी आदित्यनाथः लखनऊनगरस्य लोकभवने आयोजिते कार्यक्रमे योजनायाः पात्रेभ्यः लाभार्थिभ्यः पुनर्भरणानुदानस्य प्रतीकात्मकानि धनादेशपत्राणि वितरितवान्। प्रदेशे उज्ज्वलायोजनायाः अन्तर्गतं एककोटिः नवाशीतिलक्षं पात्रपरिवाराः अस्याः सुविधायाः लाभम् अलभन्त।
कार्यक्रमस्य सजीवप्रसारणं मङ्गलवासरे विकासभवनस्य सभागारं दर्शितम्। अत्र आयोजिते कार्यक्रमे राज्यपिछड़ावर्गायोगस्य उपाध्यक्षः सोहनलालश्रीमाली, मड़िहानविधानसभाक्षेत्रस्य विधायकः रमाशङ्करसिंहपटेलः, मझवांविधानसभाक्षेत्रस्य विधायिका सुचिस्मितामौर्या, जिलाधिकारी पवनकुमारगंगवारः, मुख्यविकासाधिकारी विजयकुमारसिंहः तथा नगरपालिकाध्यक्षः श्यामसुन्दरकेसरी च महिलालाभार्थिभ्यः प्रतीकात्मकानि धनादेशपत्राणि प्रदत्तवन्तः।
जिलापूर्त्यधिकारी सूचितवान् यत् जनपदे प्रायः पञ्चशतं लाभार्थिनां बैंकखातेषु गैसपात्रपुनर्भरणस्य अनुदानराशिः प्रेषिता अस्ति।
अस्मिन्नवसरे सोहनलालश्रीमाली उक्तवान् यत् केन्द्रसर्वकारस्य प्रदेशसर्वकारस्य च जनकल्याणकारीयोजनानां लाभः पात्रपरिवाराणां यावत् प्राप्यते। महिलानां सुरक्षायै, सम्मानाय, स्वावलम्बनाय च सर्वकारः निरन्तरं प्रयत्नशीलः अस्ति।
सः उज्ज्वलायोजनायाः, प्रधानमन्त्रिणः आवासयोजनायाः, राष्ट्रियग्रामीणजीविकोपार्जनमिशनस्य च अन्यासां योजनानां विषये सूचनाः प्राप्य तासां लाभं स्वीकर्तुं जनान् आहूतवान्।
विधायकः रमाशङ्करसिंहपटेलः उक्तवान् यत् उज्ज्वलायोजनया महिलाः धूम्रक्लेशात् मुक्ताः अभवन् तथा पाकशालायाः व्ययभारः अपि न्यूनः अभवत्। सः लाभार्थिभ्यः समये गैसपात्रस्य पुनर्भरणं कारयित्वा योजनायाः लाभं स्वीकर्तुं आग्रहं कृतवान्।
-----------
Hindusthan Samachar / Dheeraj Maithani