मुंबई, 4 नवंबरमासः (हि.स.)।

अस्यां दीपावल्यां चलचित्रगृहेषु दर्शकाः पौराणिकमहागाथया ‘रामायण’ सह श्रद्धा कपूरस्य आगामीचलचित्रस्य ‘ईथा’ इत्यस्य झलकमपि द्रष्टुं शक्ष्यन्ति। ‘ईथा’ इति चलचित्रस्य पूर्वावलोकनचित्रम् (ट्रेलर) ‘रामायण’ इति चलचित्रेण सह चलचित्रगृहेषु प्रदर्शयिष्यते। एवं दर्शकाः भारतीयसंस्कृत्या धरोहरया च सम्बद्धयोः भिन्नकथयोः झलकं एकस्मिन्नेव समये द्रष्टुं अवसरं प्राप्स्यन्ति।

‘रामायणम्’ भारतीयपौराणिकपरम्परया शताब्देभ्यः प्रचलितया श्रद्धया च सम्बद्धा महागाथा अस्ति। ‘ईथा’ इति चलचित्रं तस्याः कलाकारायाः सङ्घर्षपूर्णं जीवनयात्रां च चित्रपटे प्रस्तौति, यया नानाविधानाम् आव्हानानां मध्ये स्वकीयां विशिष्टां परिचितिं स्थापितवती। अस्य चलचित्रस्य माध्यमेन भारतीयकलायाः, परम्परायाः, कलाकारस्य च दृढसङ्कल्पस्य परिचयं प्रदातुं प्रयासः कृतः अस्ति।

निर्मातारः आशां कुर्वन्ति यत् ‘रामायणम्’ इति चलचित्रेण सह ‘ईथा’ इत्यस्य पूर्वावलोकनचित्रस्य प्रदर्शनात् एतत् चलचित्रं विस्तृतदर्शकवर्गं प्राप्तुं साहाय्यं प्राप्स्यति। श्रद्धा कपूर अभिनीतम् ‘ईथा’ इति चलचित्रं दिसम्बरमासस्य चतुर्थे दिनाङ्के चलचित्रगृहेषु प्रदर्शितं भविष्यति।

---------------

Hindusthan Samachar / Dheeraj Maithani