- रामकथापार्के अभिनयमाध्यमेन दृश्यते श्रीराममन्दिरान्दोलनस्य प्रमुखप्रवर्तकानां योगदानम्।

- श्रीराममन्दिरनिर्माणात् अयोध्यानगर्याः कायाकल्पपर्यन्तं विकासयात्रायाः झलकं द्रक्ष्यन्ति दर्शकाः।

- संस्कृतिविभागस्य प्रदर्शिन्यां सांस्कृतिकविरासतायाः विकासगाथायाश्च प्रदर्शनं भविष्यति।

- मुख्यमन्त्री योगी आदित्यनाथः ऐतिहासिकदस्तावेजानां सांस्कृतिकप्रस्तुतीनां च अवलोकनं करिष्यति।

अयोध्या, ०५ नवम्बरमासः (हि.स.)। मुख्यमन्त्रिणः योगिनः आदित्यनाथस्य नेतृत्वे आयोज्यमाने दशमे दीपोत्सवे अस्मिन् वर्षे रामनगर्याः इतिहासः, श्रीराममन्दिरान्दोलनम्, अयोध्यानगर्याः विकासयात्रा च विशेषप्रदर्शन्याः माध्यमेन प्रस्तुताः भविष्यन्ति। संस्कृतिविभागस्य पक्षतः रामकथापार्के आयोज्यमानायां प्रदर्शन्यां १५०० ईस्वीवर्षात् आरभ्य वर्तमानकालपर्यन्तं महत्त्वपूर्णाः घटनाः प्रदर्शयिष्यन्ते। मुख्यमन्त्री योगी आदित्यनाथः अपि अस्याः प्रदर्शन्याः अवलोकनं करिष्यति। प्रदर्शन्याः माध्यमेन श्रद्धालुभ्यः पर्यटकेभ्यश्च अयोध्यायाः ऐतिहासिकं, धार्मिकं, सांस्कृतिकं, सामाजिकं च परिवर्तनं विस्तरेण ज्ञातुं अवसरः प्राप्स्यते।

प्रदर्शन्यां श्रीराममन्दिरान्दोलनस्य प्रमुखप्रवर्तकानां योगदानं अभिनयप्रधानानां प्रस्तुतिनां माध्यमेन सजीवरूपेण प्रदर्शयिष्यते। एतदतिरिक्तम् आन्दोलनसम्बद्धाः महत्त्वपूर्णाः घटनाः, मन्दिरनिर्माणस्य प्रक्रिया, वर्तमानस्य भव्यस्वरूपस्य प्राप्तिपर्यन्तं विकासयात्रा च प्रदर्शयिष्यते। मन्दिरपरिसरस्य विकासेन सह अयोध्यानगरे आधारभूतसंरचनायाः विस्तारः, मार्गाः, सुविधाः, नगरस्य परिवर्तितं स्वरूपं च अस्यां प्रदर्शन्यां समावेशयिष्यन्ते।

इतिहासस्य महत्त्वपूर्णेषु घटनाक्रमेṣu भविष्यति विशेषं ध्यानम्

प्रदर्शन्यां १५०० ईस्वीवर्षात् आरभ्य आधुनिकायाः अयोध्यायाः विकासयात्रां क्रमबद्धरूपेण प्रस्तुतुं सज्जता क्रियते। अस्यां रामनगर्याः ऐतिहासिकधार्मिकमहत्त्वसम्बद्धाः प्रसङ्गाः तथा श्रीराममन्दिरान्दोलनस्य विभिन्नाः चरणाः अपि समावेशयिष्यन्ते। आन्दोलनस्य विभिन्नेषु चरणेषु महत्त्वपूर्णां भूमिकां निर्वहद्भिः प्रमुखैः व्यक्तिभिः कृतं योगदानम् अभिनयमाध्यमेन दर्शकेभ्यः प्रदर्शयिष्यते। अनेन जनाः तस्मिन् कालखण्डे घटितानां घटनानां तैः सम्बद्धानां व्यक्तित्वानां च समीपतः परिचयं प्राप्तुं शक्ष्यन्ति।

मन्दिरनिर्माणात् नगरस्य कायाकल्पपर्यन्तं विकासस्य झलकम्

श्रीराममन्दिरस्य निर्माणं परिसरस्य विकासश्च प्रदर्शन्याः प्रमुखः भागः भविष्यति। एतदतिरिक्तम् अयोध्यायां पर्यटनस्य, आवागमनस्य, जनसुविधानां, नगरीयाधारभूतसंरचनायाश्च विस्तारस्य चित्रमपि प्रदर्शयिष्यते। एवं प्रदर्शन्यां एकतः रामनगर्याः ऐतिहासिकवैभवं, अपरतः वर्तमानकाले प्रचलितानां विकासकार्यानां झलकं च द्रष्टुं शक्ष्यन्ति। अस्याः प्रदर्शन्याः उद्देश्यम् अस्ति यत् अयोध्या स्वकीयां धार्मिकां सांस्कृतिकां च परिचितिं संरक्ष्य कथं विकासस्य नवीनां दिशां प्रति अग्रसरिता इति जनान् अवबोधयितुम्।

नवीनसन्ततिं सांस्कृतिकविरासतया सह सम्बद्धं कर्तुं प्रयासः

रामकथापार्के आयोज्यमाना एषा प्रदर्शनी दीपोत्सवस्य सांस्कृतिककार्यक्रमाणां महत्त्वपूर्णम् आकर्षणं भविष्यति। देशविदेशेभ्यः आगच्छन्तः श्रद्धालवः, पर्यटकाः, युवजनाश्च अस्याः माध्यमेन अयोध्यायाः इतिहासं मन्दिरान्दोलनसम्बद्धान् घटनाक्रमांश्च ज्ञातुं अवसरं प्राप्स्यन्ति। अभिनयप्रधानाः प्रस्तुतयः प्रदर्शन्याः प्रभावशीलतां वर्धयिष्यन्ति।

अयोध्या-अन्तरराष्ट्रीय-रामायण-वैदिक-अनुसन्धानसंस्थायाः परामर्शदाता विशेषकार्याधिकारी च आशुतोषद्विवेदी अवदत् यत् दशमे दीपोत्सवे अयोध्यायाः ऐतिहासिकयात्रां व्यापकस्वरूपेण प्रस्तुतुं योजना निर्मिता अस्ति। संस्कृतिविभागस्य पक्षतः रामकथापार्के आयोज्यमानायां प्रदर्शन्यां १५०० ईस्वीवर्षात् आरभ्य वर्तमानकालपर्यन्तं महत्त्वपूर्णाः घटनाः समावेशयिष्यन्ते। तेन उक्तं यत् श्रीराममन्दिरान्दोलनस्य महानां प्रमुखप्रवर्तकानां योगदानं अभिनयमाध्यमेन प्रदर्शयिष्यते। मन्दिरनिर्माणात् आरभ्य परिसरस्य विकासं तथा अयोध्यानगर्याः परिवर्तितस्वरूपपर्यन्तं सम्पूर्णां विकासगाथाम् एकस्मिन् स्थाने प्रदर्शयितुं प्रयासः भविष्यति। अस्य उद्देश्यम् नवीनसन्ततिं स्वकीयया सांस्कृतिकविरासतया सह सम्बद्धं कर्तुं तथा देशविदेशेभ्यः आगच्छन्तेभ्यः जनेभ्यः रामनगर्याः इतिहासस्य विकासस्य च परिचयं प्रदातुम् अस्ति।

Hindusthan Samachar / Dheeraj Maithani