Enter your Email Address to subscribe to our newsletters
कोलकाता, 05 नवंबरमासः (हि. स.)।
मुर्शिदाबादे बाबरनाम्ना मस्जिदनिर्माणं प्रति प्रचलति विवादस्य मध्ये नौदाविधानसभाक्षेत्रस्य विधायकस्य हुमायूँ कबीरस्य अभिमते परिवर्तनं जातम्। मुख्यमन्त्रिणः शुभेन्दु-अधिकारिणः बाबरनाम्ना मस्जिदनिर्माणस्य अनुमतिं न प्रदास्यते इति स्पष्टकथनस्य एकदिनानन्तरं गुरुवासरे हुमायूँ कबीरः अवदत् यत् राज्यस्य प्रशासनिकप्रमुखः यत् इच्छति, तस्य निर्णयस्य इच्छायाश्च महत्त्वं स्वीकर्तुमेव उचितम्।
वस्तुतः मुख्यमन्त्री शुभेन्दु-अधिकारी बुधवासरे प्रशासनिकसमीक्षोपवेशने स्पष्टम् उक्तवान् आसीत् यत् मुर्शिदाबादे बाबरनाम्ना कस्यापि मस्जिदः निर्माणस्य योजनायाः अनुमोदनं न करिष्यते। सः अवदत् यत् जनपदे अनेकानां महानां प्रतिष्ठितानां च व्यक्तीनां नाम्ना निर्माणकार्यं कर्तुं शक्यते, किन्तु बाबरनाम्ना सम्बद्धायाः कस्याश्चित् योजनायाः प्रशासनिकानुमतिः निर्माणनक्शायाः स्वीकृतिश्च न प्रदास्येते। मुख्यमन्त्री उक्तवान् आसीत् यत् अस्मिन् विषये जिलाधिकारिणे स्पष्टनिर्देशाः प्रदत्ताः सन्ति।
मुख्यमन्त्रिणः अस्य वक्तव्यस्य अनन्तरं गुरुवासरे प्रातः हुमायूँ कबीरः स्वकीयम् अभिमतं परिवर्त्य अवदत् यत् मुख्यमन्त्री राज्यस्य प्रशासनिकप्रमुखः अस्ति। यदि सः अस्याः परियोजनायाः कृते बाबरीनाम न इच्छति, तर्हि तस्य इच्छायाः सम्मानं कर्तुम् अतिरिक्तः अन्यः विकल्पः नास्ति।
उल्लेखनीयं यत् २०२६ तमस्य वर्षस्य विधानसभानिर्वाचनात् पूर्वं तृणमूलकाङ्ग्रेसदलात् निष्क्रम्य हुमायूँ कबीरः आमजनताउन्नयनपार्टी इति नाम्ना नूतनं राजनैतिकदलम् अस्थापयत्। ततः परं सः मुर्शिदाबादस्य बेलडाङ्गानगरे बाबरीमस्जिदस्य निर्माणस्य घोषणाम् अकरोत्। तत्र निर्माणस्य प्रारम्भिकाः गतिविधयः अपि आरब्धाः आसन्। तथापि अस्याः परियोजनायाः विषये निरन्तरं राजनैतिकविवादः प्रचलति।
गतद्वितीये नवम्बर्-दिने बेलडाङ्गानगरे आयोजितायां सभायां हुमायूँ कबीरः दावं कृतवान् आसीत् यत् आगामिनि दिसम्बरमासस्य षष्ठे दिने सः राष्ट्रियमार्गं ३४ अवरुद्धं करिष्यति। रेजिनगरात् बहरमपुरपर्यन्तं प्रायः त्रिंशत् किलोमीटर् दीर्घमार्गस्य अधिग्रहणं करिष्यतीति कथयन् सः प्रशासनम् आह्वानं कृतवान् आसीत्।
मुख्यमन्त्रिणः वक्तव्यादनन्तरं हुमायूँ कबीरस्य परिवर्तिते अभिमते भाजपादलेन अपि लक्ष्यं कृतम्। भाजपाविधायकः सजलघोषः व्यङ्ग्यं कुर्वन् अवदत् यत् बाबरीमस्जिदस्य निर्माणं न भविष्यति। हुमायूँ कबीरः दिवा किमपि वदति, रात्रौ च अन्यदेव वदति। तस्य वक्तव्यानि निरर्थकानि इति कथयन् सः अवदत् यत् पूर्वम् अपि हुमायूँ कबीरः देशं त्यक्त्वा दुबईनगरं गमिष्यतीति कथितवान् आसीत्।
---------------
Hindusthan Samachar / Dheeraj Maithani