काठमांडूः, 06 नवंबरमासः (हि.स.)।नेपालस्य त्रिभुवनान्तरराष्ट्रीयविमानपत्तने यात्रिभ्यः अधुना स्वसामग्रीप्रबन्धनप्रक्रियायाः सजीवं दर्शनस्य सुविधा प्राप्स्यते। सामानप्रबन्धनं अधिकं पारदर्शकं, सुव्यवस्थितं यात्र्यनुकूलं च कर्तुम् आगमनकक्षस्य सामानप्राप्तिक्षेत्रे अधुना सामाननिक्षेपक्षेत्रस्य सजीवदृश्यप्रवाहः (लाइव फीड) उपलब्धः कृतः अस्ति।

अस्याः व्यवस्थायाः अन्तर्गतं अन्तरराष्ट्रीयविमानसेवाभिः नेपालम् आगच्छन्तः यात्रिणः वास्तविकसमये द्रष्टुं शक्ष्यन्ति यत् विमानात् अवतारितस्य अनन्तरं तेषां सामानं कथं सामानवाहकपट्टिकापर्यन्तं प्राप्यते। अनेन यात्रिणः स्वसामग्रीणां स्थितिं ज्ञातुं तथा च तस्याः प्राप्तौ सम्भावितं कालम् अनुमानयितुं साहाय्यं प्राप्स्यन्ति।

अद्यावधि यात्रिणां समीपे एतादृशः कोऽपि उपायः नासीत्, येन ते ज्ञातुं शक्नुयुः यत् विमानात् अवतारितं सामानं सामानप्राप्तिक्षेत्रं प्राप्तुं कियत्कालं स्वीकरिष्यति। अस्य कारणात् अनेके यात्रिणः प्रतीक्षाकाले असमञ्जसस्य अनुभवं कुर्वन्ति स्म। सामानप्रबन्धनप्रक्रियायाः सूचनायाः अभावेन अपि ते असुविधाम् अनुभवन्ति स्म। नवीनव्यवस्थानुसारं यात्रिणः आगमनकक्षे स्थित्वैव सामाननिक्षेपक्षेत्रस्य गतिविधीः द्रष्टुं शक्ष्यन्ति। अनेन सामानस्य प्रतीक्षाप्रक्रिया पूर्वापेक्षया सरला अधिकं सुव्यवस्थिता च भविष्यति इति अपेक्षा अस्ति।

विमानपत्तनप्रशासनस्य अपेक्षा अस्ति यत् अस्याः पहलस्य माध्यमेन त्रिभुवनान्तरराष्ट्रीयविमानपत्तने यात्रिभ्यः प्रदत्तानां सेवाणाम् अनुभवः उत्तमः भविष्यति तथा विमानपत्तनं अधिकं यात्र्यनुकूलं भविष्यति। एतत् यात्रीसेवानां गुणवत्तावर्धनस्य, सेवाप्रदाने पारदर्शितायाः सुनिश्चितीकरणस्य तथा आधुनिकप्रौद्योगिक्याः उपयोगेन विमानपत्तनस्य अन्ताराष्ट्रियमानदण्डानुसारं विकासस्य व्यापकप्रयासस्य एकः भागः इति मन्यते।

---------------

Hindusthan Samachar / Dheeraj Maithani