कांग्रेसदलं नकारात्मकाम् अराजकता-पूर्णां च राजनीतिं करोति इति आरोपः, लोकतान्त्रिकमूल्यानां समर्थनस्य कथनम्

देहरादूनम्, ०६ नवम्बरमासः (हि.स.)। भाजपादलेन शुक्रवासरे देहरादूननगरे ‘लोकतन्त्रं रक्षतु-अराजकतां दूरीकरोतु’ इति घोषवाक्येन पदयात्रा आयोज्य कांग्रेसदलस्य विपक्षिदलानां च राजनीतिः लक्ष्यीकृता। प्रदेशाध्यक्षस्य राज्यसभा-सदस्यस्य च महेन्द्रभट्टस्य नेतृत्वे आयोजिता अस्यां पदयात्रायां दलस्य प्रदेशसहप्रभारी अरविन्दमेननः, बाँसुरी-स्वराजः इत्येतै: च सह बहवः मन्त्रिणः, पदाधिकारिणः, कार्यकर्तारः च सम्मिलिताः अभवन्। भाजपादलेन पदयात्रायां समागतां विशालां जनसमूहस्य उपस्थितिं २०२७ तमे वर्षे विधानसभानिर्वाचने निरन्तरं तृतीयवारं सर्वकारस्य निर्माणार्थं जनसमर्थनस्य सङ्केतः इति वर्णितम्।

सर्वेचौकस्य समीपे मङ्गलादेवी-अन्तर्महाविद्यालयात् आरब्धायां पदयात्रायां मन्त्रीमण्डलस्य सदस्याः गणेशजोशी, सुबोध-उनियालः, खजानदासः, सतपाल-महाराजः, भरतचौधरी, सौरभबहुगुणः, प्रदीपबत्रा च सहिताः दलस्य अनेके वरिष्ठनेतारः सम्मिलिताः अभवन्। कार्यकर्तारः लोकतन्त्रस्य सुदृढीकरणाय विपक्षस्य कथितायाः अराजकता-पूर्णराजनीतेः विरोधे च घोषान् उत्थापितवन्तः।

अस्मिन् अवसरे महेन्द्रभट्टः अवदत् यत् प्रधानमन्त्री नरेन्द्रमोदिनः नेतृत्वे देशः प्रदेशश्च विकासस्य नूतनानि शिखराणि स्पृशतः स्तः। जनसमर्थनेन भाजपादलं प्रगतिपथे अग्रे सरति, परन्तु कांग्रेसदलम् अन्ये विपक्षिदलानि च लोकतान्त्रिक-पद्धत्या निरन्तरं प्राप्यमाणैः पराजयैः निराशाः भूत्वा सङ्घर्षस्य राजनीतिं कुर्वन्ति।

ते आरोपितवन्तः यत् विपक्षिदलानि मार्गेषु अराजकतां प्रसार्य संवैधानिकप्रक्रियाः दुर्बलाः कर्तुं प्रयतन्ते। भट्टः अवदत् यत् भाजपादलस्य राजनैतिकाधारः मार्गेषु सम्पन्नैः जनसङ्घर्षैः निर्मितः अस्ति। दलस्य कार्यकर्तारः सङ्घर्षमार्गेण एव अग्रे वर्धितवन्तः, अतः भाजपादलं एतादृश्या राजनीत्या स्पर्धां दातुं न शक्यते।

भट्टः अवदत् यत् प्रदेशस्य विभिन्नेषु भागेषु आयोजितासु पदयात्रासु जनानां कार्यकर्तॄणां च सहभागिता विकासस्य, सुशासनस्य, लोकतान्त्रिकमूल्यानां च समर्थनं प्रदर्शयति। सः उक्तवान् यत् एतत् जनसमर्थनं २०२७ तमे वर्षे उत्तराखण्डे भाजपादलस्य निरन्तरं तृतीयसर्वकारस्य निर्माणस्य सङ्केतः अस्ति।

पदयात्रायां प्रदेशमहामन्त्री दीप्तिरावतः, देहरादूनमहानगराध्यक्षः सिद्धार्थाग्रवालः, नेहाजोशी इत्येतै: सह दलस्य अन्ये पदाधिकारिणः अपि उपस्थिताः आसन्।

Hindusthan Samachar / Divya Ranjan