नवदिल्ली, ०७ नवम्बरमासः (हि.स.)। केन्द्रीयवस्त्रमन्त्री गिरिराजसिंहः काङ्ग्रेस-संसदीयदलस्य अध्यक्षा सोनियागान्धीं प्रति आक्रमणं कुर्वन् अवदत् यत् काङ्ग्रेसदलं अधुना देशे कदापि पुनः सत्तायां न प्रत्यागमिष्यति। तेन सोनिया-गान्धी इत्यस्यै एतादृशाः राजनैतिक-महत्त्वाकाङ्क्षाः त्यक्तुं परामर्शः अपि प्रदत्तः।

गिरिराजसिंहः शनिवासरे स्वनिवासस्थाने सञ्चारमाध्यमैः सह वार्तालापं कुर्वन् केन्द्रसर्वकारस्य आलोचनां कुर्वता सोनियागान्धिना लिखितस्य लेखस्य तीव्रं प्रत्युत्तरं दत्तवान्। सः अवदत् यत् सोनियागान्धिः दीर्घकालात् स्वपुत्रं राहुलगान्धिनं राजनीतिक्षेत्रे प्रतिष्ठापयितुं प्रयतते, किन्तु अधुना तया स्वकीयाः राजनीतिकमहत्त्वाकाङ्क्षाः त्यक्तव्याः। काङ्ग्रेसदलं पुनः सत्तायां प्रत्या-गमिष्यतीति अपेक्षा अपि व्यर्था अस्ति। तेन सोनियागान्धी इत्यस्या: नागरिकताम् अधिकृत्य अपि प्रश्नाः उत्थापिताः तथा च तस्याः राहुलगान्धिनः च नागरिकता-सम्बद्धानाम् आरोपाणाम् उल्लेखः कृतः।

केन्द्रीयमन्त्री अवदत् यत् यया काङ्ग्रेसदलेन देशे आपत्कालः घोषितः आसीत् तथा जनानां वाणी अवरुद्धा आसीत्, तस्याः एव पक्षस्य कृते अधुना लोकतन्त्रस्य विषये प्रश्नान् उत्थापयितुं न उचितम्। तेन आरोपितं यत् काङ्ग्रेसदलं लोकतन्त्रस्य चर्चा करोति, परन्तु तस्य शासनकाले लोकतान्त्रिकाधिकाराणाम् उपरि प्रतिबन्धाः आरोपिताः आसन्।

सिंहेन काङ्ग्रेसदलस्य राजनीतिक-स्थितिम् अधिकृत्य टिप्पणीं कुर्वता उक्तं यत् गतानां बहूनां दशकानां कालात् दलम् अनेकैः राज्यैः सत्तायाः बहिः अस्ति तथा च भविष्ये अपि तस्य पुनः सत्ताप्राप्तेः सम्भावना नास्ति। काङ्ग्रेसदलं पुनः सत्तायां प्रत्यागमिष्यतीति अपेक्षा अपि व्यर्था अस्ति।

सिंहः सोनियागान्धिनं राहुलगान्धिनं च देशे गृहयुद्धसदृशीं स्थितिं निर्मातुं प्रयत्नस्य आरोपं कृतवान्। सः अवदत् यत् तयोः एतादृशी कापि अभिलाषा सफलतां न प्राप्स्यति।

Hindusthan Samachar / Divya Ranjan