नव दिल्ली, 07 नवंबरमासः (हि.स.)।राष्ट्रपतिः दीपावल्याः पूर्वसन्ध्यायां देशवासिभ्यः शुभकामनाः प्रदत्तवती, पर्यावरणसंरक्षणस्य सद्भावस्य च सन्देशं दत्तवती

राष्ट्रपतिः द्रौपदी मुर्मू दीपावल्याः पूर्वसन्ध्यायां देशवासिभ्यः शुभकामनाः प्रदाय सर्वेषां नागरिकानां उत्तमस्वास्थ्यस्य, सुखस्य समृद्धेश्च कामनां कृतवती। सा जनान् पर्यावरणसंरक्षणाय, परस्परसद्भावस्य रक्षणाय च आहूतवती। भारतीयमूल्यैः प्रेरितेभ्यः युवभ्यः विकसितभारतस्य निर्माणे उत्साहपूर्वकं योगदानं दातुम् आह्वानं कृतवती।

राष्ट्रपतिः स्वसन्देशे भारते विदेशेषु च निवसतां सर्वेभ्यः भारतीयनागरिकेभ्यः दीपावल्याः हार्दिक्यः शुभकामनाः प्रदत्तवती। सा अवदत् यत् दीपावल्याः आनन्दमयः उत्सवः रावणस्य पराजयानन्तरं भगवान् श्रीरामस्य अयोध्यायां प्रत्यागमनेन सम्बद्धः अस्ति। भगवान् श्रीरामः दीपानां सुन्दराः पङ्क्तीः अपश्यत्। एतदेव दीपावल्याः सांस्कृतिकं आध्यात्मिकं च महत्त्वम् अस्ति। अयं पर्व रामराज्यस्य शुभारम्भस्य अपि प्रतीकम् अस्ति।

मुर्मुमहोदया अवदत् यत् दीपावलीपर्व सद्गुणानां नकारात्मकप्रवृत्तीनां च मध्ये सद्गुणानां विजयस्य प्रतीकम् अस्ति। अयं पर्व दुःखानाम् अन्तस्य आनन्दमयसमृद्धजीवनस्य च आरम्भस्य सन्देशं ददाति। अस्मिन् अवसरे जनाः शुभारम्भाय कल्याणाय च भगवान् गणेशं समृद्ध्यर्थं च भगवतीं महालक्ष्मीं पूजयन्ति तथा सर्वेषां सुखस्य कामनां कुर्वन्ति।

राष्ट्रपतिः स्वसन्देशे अवदत् यत् सा देशस्य प्रत्येकस्य नागरिकस्य उत्तमस्वास्थ्यस्य, सुखस्य समृद्धेश्च कामनां करोति। सा आशां प्रकटितवती यत् सर्वे जनाः पर्यावरणस्य संरक्षणं करिष्यन्ति तथा परस्परसद्भावेन निवत्स्यन्ति। भारतीयमूल्यैः प्रेरिताः देशभक्ताः युवजनाः विकसितभारतस्य निर्माणे उत्साहपूर्वकं योगदानं दद्युः इति सा आह्वानं कृतवती।

---------------

Hindusthan Samachar / Dheeraj Maithani