दीपोत्सवेन अयोध्यायाः व्यापाराय नवीनगतिः प्राप्ता, स्थानीयविक्रेतॄणां आयः त्रिगुणिता अभवत्

अयोध्या, ०८ नवम्बरमासः (हि.स.)। मुख्यमन्त्रिणः योगिनः आदित्यनाथस्य नेतृत्वे अयोध्यायाः दीपोत्सवः धार्मिकश्रद्धया सह पर्यटनस्य स्थानीयव्यापारस्य च विस्ताराय अपि महत्त्वपूर्णः अवसरः भवति। रामनगर्यां दीपोत्सवस्य प्रकाशेन न केवलं सरयूनद्याः तटाः देवालयाश्च प्रकाशमानाः अभवन्, अपितु विपणिषु व्यापारस्य कान्तिरपि वर्धिता। श्रद्धालूनां पर्यटकानां च वर्धमानागमनस्य मध्ये होटलेषु, वाहनसेवासु, खाद्यपेयविक्रयकेन्द्रेषु स्थानीयापणेषु च ग्राहकाणाम् आगमनेन व्यवसायिभ्यः अधिकायस्य अवसरः प्राप्तः। कुत्रचित् होटलस्य सर्वाणि कक्षाणि पूर्णतया आरक्षितानि अभवन्, तु आपणेषु दिनभरं ग्राहकाणाम् आवागमनं निरन्तरम् अभवत्। प्रसादविक्रयः, शृङ्गारसामग्री, मालाविक्रयः तथा खाद्यपेयव्यापारः अपि अस्मिन् सप्ताहे सामान्यदिनानाम् अपेक्षया अधिकं सक्रियः अभवत्।

योगिसर्वकारस्य आयोजनेन पर्यटनस्य विस्तारः

मुख्यमन्त्रिणा योगी आदित्यनाथेन दीपोत्सवः अयोध्यायाः सांस्कृतिकपरिचयेन वैश्विकपर्यटनाकर्षणेन च सह सम्बद्ध्य भव्यं स्वरूपं प्रदत्तम्। दीपोत्सवकाले देशविदेशेभ्यः श्रद्धालूनां पर्यटकानां च अयोध्यागमनं रामनगर्याः वर्धमानपर्यटनगतिविधीनां महत्त्वपूर्णः पक्षः अस्ति। धार्मिकायोजनस्य भव्यतया सह पर्यटकानाम् आवागमनेन स्थानीयव्यवसायानाम् अपि नूतनाः अवसराः निर्मिताः। होटलेषु, परिवहनक्षेत्रे तथा विपणिषु वर्धमानाः गतिविधयः अस्य परिवर्तनस्य चित्रं प्रस्तुतयन्ति।

दीपोत्सवसप्ताहे होटल्यापारे पर्यटकानाम् आगमनस्य प्रभावः स्पष्टतया दृश्यते स्म। होटल् डिवाइन अयोध्यायाः प्रबन्धकः आयुषः कथयति यत् सामान्यदिनानाम् अपेक्षया दीपोत्सवसप्ताहे होटलस्य प्रायः शतप्रतिशतं कक्षारक्षणम् अभवत्। पर्यटकानां वर्धमानागमनेन कक्षाणां मागः अत्यधिकः अभवत्। होटल्यापाराय दीपोत्सवसप्ताहः उत्तमं व्यापारिकं परिणामम् आनयत्।

वाहनसेवाप्रचालकेभ्यः अपि अधिकायस्य अवसराः

पर्यटकानाम् आवागमनेन स्थानीयपरिवहनसेवासु अपि गतिः प्राप्ता। राममन्दिरम्, हनुमानगढ़ी, सरयूघाटम् अन्यानि धार्मिकस्थलानि च गन्तुं पर्यटकानां कृते वाहनानाम् आवश्यकता वर्धिता। वाहनसेवाप्रचालकः शोभिततिवारी कथयति यत् दीपोत्सवकाले उत्तमः व्यापारः अभवत् तथा आयः त्रिगुणिता अभवत्। पर्यटकानाम् अधिकागमनेन वाहनसेवानां कृते उत्तमाः अवसराः प्राप्ताः। होटलात् धार्मिकस्थलपर्यन्तं नगरस्य विभिन्नभागेषु च पर्यटकानाम् आवागमनेन परिवहनव्यापारः अपि उत्सवस्य उल्लासेन सह सम्बद्धः अभवत्।

लघुविक्रेतॄणां आयः त्रिगुणितं यावत् वर्धिता

दीपोत्सवस्य सर्वाधिकं विशेषं चित्रं लघुव्यापारिणाम् अनुभवेभ्यः दृश्यते। चाट्-विक्रयस्य व्यवसायं कुर्वन् सौरभसिंहः कथयति यत् सामान्यदिनेषु तस्य दैनिकायः ८०० तः १००० रूप्यकाणि यावत् भवति स्म, किन्तु दीपोत्सवकाले सः वर्धित्वा २५०० तः ३००० रूप्यकाणि यावत् प्राप्तः। ग्राहकाणां वर्धमानसङ्ख्यया तस्य व्यापाराय नूतना गतिः प्राप्ता।

प्रसादविक्रेता दीपककुमारस्य कृते अपि दीपोत्सवः व्यापारदृष्ट्या लाभप्रदः अभवत्। तेन उक्तं यत् आयोजनकाले विक्रयः उत्तमः अभवत् तथा लाभः अपि प्राप्तः। पटनानगरनिवासी प्रसादविक्रेता सञ्जययादवः कथयति यत् दीपोत्सवकाले व्यापारः अत्यन्तं सम्यक् अभवत्। तस्य दैनिकायः २५०० तः ३००० रूप्यकाणि यावत् अभवत्। कङ्कणानां मालानां च विक्रयणं कुर्वती वीणा अपि दीपोत्सवकाले व्यापारस्य वृद्ध्या प्रसन्ना अस्ति। तस्याः अनुसारम्, आयोजने विक्रयः उत्तमः अभवत् तथा लाभः अपि प्राप्तः। श्रद्धालूनां क्रयणेन लघुविक्रेतॄणाम् अपि अधिकायस्य अवसरः प्राप्तः।

श्रद्धया सह अर्थव्यवस्थायाः अपि नूतना गतिः

मुख्यमन्त्रिणः योगी आदित्यनाथस्य नेतृत्वे दीपोत्सवस्य भव्यतया अयोध्यायै धार्मिकपर्यटनस्य प्रमुखकेन्द्ररूपेण नूतनः परिचयः प्राप्तः। अस्य आयोजनस्य समये पर्यटकानाम् आवागमनेन होटलेषु निवासः, स्थानीयपरिवहनम्, खाद्यपेयव्यापारः तथा विपणिषु क्रयविक्रयः इत्येतेषां माध्यमेन व्यापारस्य विस्तृता शृङ्खला सक्रियतां प्राप्तवती। रामनगर्यां श्रद्धया सह पर्यटनस्य स्थानीयव्यापारस्य च गतिविधयः अपि नूतनां गतिं प्राप्नुवन्ति।

Hindusthan Samachar / Dheeraj Maithani