Enter your Email Address to subscribe to our newsletters
नव दिल्ली, 09 नवंबरमासः (हि.स.)।
भारतीयजनतापार्टी (भाजपा) इत्यस्य राष्ट्रियाध्यक्षः नितिन नवीनः नवम्बरमासस्य दशमदिनाङ्कात् द्वादशदिनाङ्कपर्यन्तं बिहारराज्यस्य राजधानीपटनानगरस्य त्रिदिवसीयप्रवासे स्थास्यति। अस्मिन् अवसरे सः छठमहापर्वस्य सज्जतानां निरीक्षणार्थं विभिन्नानां छठपूजाघाटानां निरीक्षणं करिष्यति। सहैव राज्यसभायाः पूर्वसांसदस्य आरके सिन्हा इत्यस्य निवासस्थानं प्राप्य तस्मै श्रद्धाञ्जलिम् अर्पयिष्यति।
भारतीयजनतापार्टीद्वारा प्रदत्तायाः सूचनायाः अनुसारं नवीनः नवम्बरमासस्य दशमदिनाङ्के अपराह्णे त्रिवादने दीघास्थितनासरीगञ्जघाटात् गायघाटपर्यन्तं पटनानगरस्य विभिन्नानां छठपूजाघाटानां निरीक्षणं करिष्यति। अस्मिन्नवसरे सः श्रद्धालूनां सुविधायै सुरक्षायै च कृतानां व्यवस्थाणाम् अवलोकनं करिष्यति।
तदनन्तरं सायं सार्धपञ्चवादने भाजपाध्यक्षः राज्यसभायाः पूर्वसांसदस्य स्वर्गीयस्य आरके सिन्हा इत्यस्य निवासस्थानं गमिष्यति। तत्र सः दिवङ्गतनेत्रे श्रद्धाञ्जलिम् अर्पयिष्यति तथा शोकसन्तप्तपरिवारजनान् प्रति संवेदनाम् अपि प्रकटयिष्यति।
नवीनः नवम्बरमासस्य एकादशे द्वादशे च दिनाङ्के बिहारप्रवासावधौ पूर्वनिर्धारितेषु सङ्गठनात्मककार्यक्रमेषु भागं ग्रहीष्यति।
---------------
Hindusthan Samachar / Dheeraj Maithani