मुंबई, 09 नवंबरमासः (हि.स.)।

रणबीर कपूर अभिनीतं चलचित्रं ‘रामायणम् : प्रथमः भागः’ चलचित्रविपण्यां निरन्तरम् उत्कृष्टं प्रदर्शनं कुर्वद् अस्ति। प्रदर्शनस्य चतुर्षु दिनेषु एव चलचित्रस्य विश्वव्यापिनी आयः पञ्चशतकोटिरूप्यकाणां सङ्ख्यां स्प्रष्टुं समीपं प्राप्ता अस्ति। नितेश तिवारी इत्यनेन निर्देशितायाः अस्य चलचित्रस्य भारतस्य विदेशेषु च दर्शकैः उत्तमः प्रतिसादः प्रदत्तः अस्ति। विशेषता तु एषा यत् चलचित्रे यशस्य उपस्थितेः प्रभावः कन्नडभाषिभिः क्षेत्रेषु अपि दृश्यते।

सैकनिल्क इत्यस्य प्रारम्भिकगणनानुसारं चलचित्रेण रविवासरे चतुर्थे दिने भारते ५६.१५ कोटिरूप्यकाणां व्यवसायः कृतः। अस्मिन् हिन्दीभाषातः ३६.७५ कोटिरूप्यकाणि, कन्नडभाषातः ७.२५ कोटिरूप्यकाणि, तेलुगुभाषातः ६.२५ कोटिरूप्यकाणि, तमिलभाषातः ३.१५ कोटिरूप्यकाणि तथा मलयालमभाषातः २.७५ कोटिरूप्यकाणि प्राप्तानि। एतस्मात् पूर्वं चलचित्रेण प्रथमदिने ६४.८५ कोटिरूप्यकाणि, द्वितीयदिने ४८.०५ कोटिरूप्यकाणि तथा तृतीयदिने ६९.८० कोटिरूप्यकाणि अर्जितानि आसन्। एवं चतुर्षु दिनेषु चलचित्रस्य भारतस्य शुद्धसङ्ग्रहः २३८.८५ कोटिरूप्यकाणि तथा सकलसङ्ग्रहः २८५.२० कोटिरूप्यकाणि अभवत्।

विदेशीयविपण्येषु अपि चलचित्रस्य आयः निरन्तरं प्रवर्धते। चतुर्थे दिने विदेशेभ्यः प्रायः ४५ कोटिरूप्यकाणां प्राप्त्या अस्य कुलः विदेशीयः सकलसङ्ग्रहः २१४ कोटिरूप्यकाणि यावत् प्राप्तः। अनेन सह चलचित्रस्य विश्वव्यापिनी समग्रायः ४९९.२० कोटिरूप्यकाणि अभवत्।

चलचित्रे रणबीर कपूरः भगवान् श्रीरामस्य भूमिकायाम्, साई पल्लवी माता सीतायाः भूमिकायाम् तथा यशः रावणस्य भूमिकायां दृश्यते। एतेषाम् अतिरिक्तं रवि दुबे, अरुण गोविल, लारा दत्ता तथा रकुल प्रीत सिंह अपि महत्त्वपूर्णासु भूमिकासु दृश्यन्ते।

---------------

Hindusthan Samachar / अंशु गुप्ता