Enter your Email Address to subscribe to our newsletters
- इलेक्ट्रॉनिक्स आईटीविभागछत्तीसगढ़म् एसटीपीआई इत्येषां मध्ये सहमतिः
रायपुरम्, 10 फरवरीमासः (हि. स.)।
छत्तीसगढ़राज्यं अद्य सूचना-प्रौद्योगिकी , सूचना-प्रौद्योगिकी-सम्बद्धसेवाः तथा उद्भवमानप्रौद्योगिकी-आधारितोद्योगाः इत्येषां कृते विश्वसनीयम् आकर्षकं च गन्तव्यस्थानरूपेण उदेति। एतत् उक्तवान् अद्य मङ्गलवासरे मुख्यमन्त्री विष्णुदेवसायः स्वनिवासकार्यालये छत्तीसगढ़शासनस्य इलेक्ट्रॉनिक्स तथा सूचना-प्रौद्योगिकीविभागेन सॉफ्टवेयर टेक्नोलॉजी पार्क्स ऑफ इण्डिया (एसटीपीआई) इत्यनेन सह सम्पन्नस्य महत्त्वपूर्णस-ज्ञापनस्य अनन्तरम् आयोजिते कार्यक्रमे राज्ये उद्यमिताकेन्द्रं (सेन्टर ऑफ एंटरप्रेन्योरशिप) तथा इलेक्ट्रॉनिक्स-तन्त्ररचना-विकासकेन्द्रं (इलेक्ट्रॉनिक्स सिस्टम डिजाइन एंड डेवलपमेंट सेंटर) स्थापितं भविष्यति। सः अवदत् यत् प्रस्तावितेन उद्यमिताकेन्द्रेण कृत्रिमबुद्धिमत्ता, वनौषधि-उत्पाद-आधारित-मेडटेक्, स्मार्ट-नगर-समाधानानि तथा स्मार्ट-कृषिः इति चतुर्षु महत्त्वपूर्णेषु क्षेत्रेषु नवोन्मेषः स्टार्ट-अप्-उद्यमाश्च प्रोत्साहनं प्राप्स्यन्ति। अपि च अत्याधुनिकं इलेक्ट्रॉनिक्स-तन्त्ररचना-विकासकेन्द्रं स्थाप्यते, यत् प्रतिवर्षं प्रायः त्रिंशत् चत्वारिंशत् हार्डवेयर-स्टार्ट-अप् तथा लघु-मध्यम-उद्योगेभ्यः उत्पाद-रचना, प्रतिरूप-निर्माण (प्रोटोटाइपिंग), कौशल-विकासः क्षमता-वृद्धिश्च इत्यादीनि सुविधाः प्रदास्यति।
मुख्यमन्त्री सायः उक्तवान् यत् अस्याः पहलायाः कारणात् राज्यस्य युवानः राज्ये एव इन्क्यूबेशन, मार्गदर्शन (मेंटोरशिप), वित्तसहायता, आधुनिक-प्रयोगशालासुविधाश्च प्राप्स्यन्ति। एतेन उच्चकौशलयुक्तानां युवानां महानगरान् प्रति पलायनं निरुद्धं भविष्यति, स्थानीयस्तरे रोजगारः उद्यमिता च वर्धिष्यते। एसटीपीआई इति राष्ट्रीयस्तरस्य प्रतिष्ठितसंस्थायाः सहयोगं महत्त्वपूर्णमिति निर्दिश्य सः अवदत् यत् देशव्यापिनः अष्टषष्टिः केन्द्राणि चतुर्विंशतिः क्षेत्रविशेष-उद्यमिताकेन्द्राणि च अस्य संस्थायाः व्यापकानुभवः छत्तीसगढ़स्य स्टार्ट-अप् नवोन्मेष-परिस्थितितन्त्रं (इकोसिस्टम) नूतनशिखराणि नयिष्यति।
मुख्यमन्त्री विश्वासं व्यक्तवान् यत् अयं एमओयू राज्यस्य आर्थिकविकासे मीलशिलारूपेण सिद्ध्येत तथा छत्तीसगढ़ं डिजिटल-नवोन्मेषे, प्रौद्योगिकी-उद्यमितायां, स्टार्ट-अप्-क्षेत्रे च राष्ट्रियमानचित्रे नूतनां पहचानं प्रापयिष्यति।
अस्मिन् अवसरे मुख्यमन्त्रिणः प्रमुखसचिवः सुबोधकुमारसिंहः, इलेक्ट्रॉनिक्स-प्रौद्योगिकीविभागस्य सचिवः अङ्कितानन्दः, एसटीपीआई-निदेशकः रविवर्मा, चिप्स-सीईओ प्रभातमलिकः तथा अन्ये अधिकारिणः उपस्थिताः आसन्।
---------------
हिन्दुस्थान समाचार