Enter your Email Address to subscribe to our newsletters
बेंगलुरुः, 10 फरवरीमासः (हि.स.)।लोकसभायां प्रधानमन्त्रिणः नरेन्द्रमोदिनः अनुपस्थितिं प्रति मुख्यमन्त्री सिद्धारमैया तथा कांग्रेसदलेन व्यक्ते रोषे कर्नाटकप्रदेशे भारतीयजनतादलस्य प्रदेशाध्यक्षः बी. वाय. विजयेंद्र प्रत्युत्तरं दत्तवान्। एतत् केवलं राजनैतिकप्रदर्शनमिति निर्दिश्य सः उक्तवान् यत् संसदीयमर्यादायाः हननं स्वयमेव कांग्रेसदलेन कृतम्, अतः संसदीयपरम्परासु अन्यान् उपदेष्टुं तस्य कश्चित् नैतिकाधिकारः नास्ति।
सामाजिकमाध्यममञ्चे ‘एक्स’ इत्यत्र प्रकाशिते स्ववक्तव्ये विजयेंद्र उक्तवान् यत् संसत्कार्यवाहीं पुनःपुनः बाधयितुं, प्रधानमन्त्रिणं वक्तुं अवसरं न दातुं, संघर्षमयं वातावरणं निर्मातुं च कांग्रेसदलेन पुरातना रणनीतिः अनुष्ठिता। संसदि अव्यवस्थायाः उत्तरदायित्वं कांग्रेसदलेन एव वह्यते, तथापि सा अद्य लोकतान्त्रिकमूल्यानां संरक्षणस्य वचनं ददातीति सः आरोपितवान्।
मुख्यमन्त्री सिद्धारमैयस्य तस्मिन् वक्तव्ये अपि विजयेंद्र प्रश्नं कृतवान्, यत्र एषा घटना भारतीयसंसदीयइतिहासे प्रथमवारमिति उक्तम् आसीत्। एतत् ‘चयनितस्मृतिभ्रंशस्य’ उदाहरणमिति वर्णयन् सः वर्ष २००४ इत्यस्य सन्दर्भं दत्तवान्। तस्मिन् काले तत्कालीनप्रधानमन्त्री डॉ. मनमोहनसिंह अपि राष्ट्रपतिनः अभिभाषणस्य धन्यवादप्रस्तावस्य उत्तरं न दत्तवान् इति सः अवदत्। तर्हि तत् कायरता वा उत्तरदायित्वपरिहारप्रयत्नः इति कथ्यते किमिति सः पृष्टवान्।
विजयेंद्र आरोपितवान् यत् अयं विवादः संसदीयपरम्पराभ्यः अधिकं राजनैतिकस्थितिगणनया सम्बद्धः अस्ति। तस्य मते सिद्धारमैयस्य वक्तव्यानि न तु सिद्धान्ताधारितानि राजनैतिकतर्करूपाणि, किन्तु उच्चाधिकारिणः प्रसादनार्थं स्वपदसंरक्षणार्थं च प्रदत्तानि इव दृश्यन्ते।
भाजपायाः प्रदेशाध्यक्षः अवदत् यत् यदा शासनस्य विफलताः वर्धन्ते जनविश्वासश्च क्षीयते, तदा कांग्रेसदलम् हंगामं, अवरोधान्, चयनितवृत्तान्तराजनीतिं च आश्रयति। जनाः कांग्रेसदलस्य द्विमानदण्डं स्पष्टतया पश्यन्ति इति तेन उक्तम्। संसदि अवरोधान् सामान्यीकृत्य उत्तरदायित्वात् पलायनं कृत्वा संसदीयमानदण्डानाम् अवमानं कुर्वती सा एव अद्य स्वयम् लोकतन्त्रस्य रक्षकत्वेन आत्मानं प्रदर्शयति, यत् सर्वथा विरोधाभासपूर्णम् अस्ति।------------------
हिन्दुस्थान समाचार