बिलासपुरनगरम्, १० फेब्रुवरीमासः (हि.स.)। राष्ट्रीय–फाइलेरिया–उन्मूलन–कार्यक्रमस्य अन्तर्गतं अद्य मङ्गलवासरे कोटा–विकासखण्डे सामूहिक–औषध–सेवन–अभियानस्य औपचारिकः शुभारम्भः कृतः। अस्य अभियानस्य अन्तर्गतं कोटा–विकासखण्डस्य आहत्य जनसंख्या ३,०८,११३ जनाः फाइलेरिया–निरोधक–औषधानां सेवनं कृतवन्तः। अस्य कृते ५५० औषध–वितरण–दलानां गठनं कृतम्।अभियानस्य प्रथम–चरणे अद्य १० फेब्रुवरीमासतः १२ फेब्रुवरीमासपर्यन्तं विद्यालया: आङ्गनवाडी–केन्द्राणि च बूथ–रूपेण स्थापयित्वा औषध–सेवनं कारितम्। तदनन्तरं १३ फेब्रुवरीमासतः २२ फेब्रुवरीमासपर्यन्तं स्वास्थ्य–विभागस्य दलानि गृहं गृहं गत्वा जनान् औषधं सेवयिष्यन्ति। अवशिष्ट–जनानां कृते २३ फेब्रुवरीमासतः २५ फेब्रुवरीमासपर्यन्तं मॉप–अप–चरणः सञ्चालितः भविष्यति। एतेन सह अद्य कोटा–विकासखण्डस्य सर्वेषु पीएचसी–सीएचसी–केन्द्रेषु अपि अभियानस्य आरम्भः कृतः। विकासखण्ड–स्तरीयं मुख्य–कार्यक्रम: शासकीय–कन्या–उच्च–विद्यालये, पुरानी–बस्ती–कोटा इत्यत्र सम्पन्न:।

कार्यक्रमस्य शुभारम्भः नगर–पञ्चायत–अध्यक्षया सरोज–दुर्गेश–साहू, विधायक–प्रतिनिधिना प्रतीक–त्रिवेदिना तथा स्वास्थ्य–विभागस्य अधिकारिभिः दीप–प्रज्वलनेन कृतः। अस्मिन् अवसरे जन–प्रतिनिधयः, विद्यालयस्य छात्राः, अध्यापकाः तथा स्वास्थ्य–कर्मिणः स्वयं फाइलेरिया–निरोधक–औषधानां सेवनं कृत्वा सामान्य–जनान् प्रति जागरूकता–सन्देशं दत्तवन्तः।

स्वास्थ्याधिकारिणः अवदन् यत् फाइलेरिया (हस्तीपाद–रोगः) गम्भीरः तथा असाध्यः रोगः अस्ति, किन्तु वर्षे एकवारं औषध–सेवनं कृत्वा अस्मात् पूर्णतया रक्षणं सम्भवति। तैः स्पष्टं कृतं यत् औषधं रिक्त–उदरे न सेवनीयम्। कार्यक्रमे उपस्थिताः सर्वे जनाः “फाइलेरिया–मुक्त–भारत” इति संकल्पं कृत्वा स्व–परिवारस्य तथा प्रतिवेशिनां जनानाम् अपि औषध–सेवनं कारयितुं शपथं गृहीतवन्तः।

खण्ड–चिकित्सा–अधिकारी डॉ.निखिलेश–गुप्तः स्व–सम्बोधने अवदत् यत् फाइलेरिया मशक–दंशनेन प्रसारं प्राप्नोति, यस्य लक्षणानि बहूनां वर्षाणां अनन्तरं दृश्यन्ते। अतः रक्षणमेव अस्य एकमात्रं प्रभावी उपायः अस्ति। सः अवदत् यत् कोटा–विकासखण्डस्य प्रत्येकं गृहं प्रति स्वास्थ्य–विभागस्य दलं गत्वा औषध–वितरणं सुनिश्चितं करिष्यति।

अस्मिन् अवसरे नगर–पञ्चायत–अध्यक्षया सह सरोज–दुर्गेश–साहू, विधायक–प्रतिनिधिना प्रतीक–त्रिवेदी, बीएमओ डॉ.निखिलेश–गुप्त:, श्वेता–सिंह: (बीपीएम), अतुल–सिंह: (वीबीडीटीएस), विद्यालयस्य प्रधानाचार्या आशा–दत्ता, अध्यापक–अध्यापिका:, स्वास्थ्य–विभाग:, मितानिन–कार्यकर्तार: तथा बहुसंख्यकाभिः छात्राश्च सहभागं कृतवन्त:।

हिन्दुस्थान समाचार / अंशु गुप्ता