Enter your Email Address to subscribe to our newsletters
उत्तरकाशीनगरम्, १० फेब्रुवरीमासः (हि.स.)। इको–पर्यटनस्य प्रोत्साहनार्थं उत्तरकाशी–जनपद–प्रशासनं वरुणावत–पर्वत–शिखरे इको–उद्यानस्य विकास–योजनायाः विषये विचार–विमर्शं कृतवान्। मङ्गलवासरे जनपदाधिकारी प्रशान्त–आर्यस्य अध्यक्षतायां आयोजितायां सभायां पर्यटन–विभागस्य, वन–विभागस्य तथा होटल-संघस्य प्रतिनिधयः सहभागं कृतवन्तः।
जनपदधिकारिणा अधिकारिणः निर्देशिताः यत् इको–उद्यानस्य रूपरेखा आकर्षकी, आधुनिकी तथा पूर्णतया पर्यावरण–अनुकूला (इको–फ्रेण्ड्ली) निर्मीयताम्, येन पर्यटकाः प्राकृतिक–सौन्दर्येण सह पर्यावरण–संरक्षणस्य अनुभवमपि कर्तुं शक्नुवन्ति। उद्याने जलपानगृहम्, बालकेभ्यः क्रीडनकानि (झूला), उपवेशन–व्यवस्था, सेल्फी–बिन्दवः तथा सूचना–पट्टिकाः इत्यादिनां सौविध्यानां विकासे अपि विशेषं बलौ दत्तम्।
तदनन्तरं वरुणावत–शिखरं प्रति ट्रेक–मार्गस्य संशोधनं तथा पर्यटकानां सुरक्षित–सुलभ–प्रवेशस्य सुनिश्चितीकरणस्य विषये अपि चर्चा अभवत्। जनपदाधिकारी अवदत् यत् इको–उद्यानात् न केवलं पर्यटकानां कृते नूतनम् आकर्षणं लभ्यते, अपि तु स्थानीय–जनानां कृते रोजगार–अवसराः अपि सृज्यन्ते।
सभायां जनपद–पर्यटन–विकास–अधिकारी के.के.जोशी, एसडीओ रश्मी–ध्यानी तथा होटल–संघस्य अध्यक्षः शैलेन्द्र–मटूड़ा इत्यादय: उपस्थिता: आसन्।
हिन्दुस्थान समाचार / अंशु गुप्ता