नव दिल्ली, 11 फरवरीमासः (हि.स.)।

भारतीय जनता पार्टी पण्डित दीनदयाल उपाध्यायस्य पुण्यतिथिं समर्पणदिवसरूपेण आचरन्ती बुधवासरे पण्डित दीनदयाल उपाध्याय उपवने स्मृतिसभायाः आयोजनम् अकरोत्। सर्वेषु चतुर्दश जिलाकार्यालयेषु अपि तस्मै समर्पणदिवसकार्यक्रमाः सम्पन्नाः।

भाजपायाः राष्ट्रिय सहसङ्गठन महामन्त्री शिवप्रकाशः अवदत् यत् अद्य दलस्य बहवः विधायकाः, सांसदाः, स्थानीयनिकायेषु जनप्रतिनिधयः च सन्ति, किन्तु यतः सङ्गठनम् आरभ्य अद्य विश्वस्य महत्तमं सङ्गठनं जातम्, तस्य पृष्ठभूमौ स्थिताः संघर्षाः अस्माभिः अवश्यं स्मर्तव्याः। सः उक्तवान् यत् पण्डित दीनदयाल उपाध्याय जनसङ्घस्य आधारशिलां स्थापितवान्, सः सफलपुरुषेषु अन्यतमः आसीत्।

भारतस्य स्वातन्त्र्यानन्तरं राजनैतिकक्षेत्रे पूंजीवाद, साम्यवाद, समाजवाद इति त्रयः विचाराः तीव्रतया विभिन्नदेशेषु उद्भूताः। तस्मिन् समये भारतस्य स्वरूपं किम् इति विषये विचारः अभवत्। अस्य चिन्तनार्थं पण्डित दीनदयाल उपाध्यायाय दायित्वं दत्तम्। दीर्घविमर्शानन्तरं तेन एकात्ममानववादस्य सिद्धान्तः प्रतिपादितः, यः अद्यापि भारतं शक्तिशालिनं राष्ट्रं निर्मातुं महत्त्वपूर्णां भूमिकां निर्वहति।

तेन एकं विधानम् एकं संविधानम् इति विचारस्य दृढीकरणे बलं दत्तम्। उन्नीसशतद्विपञ्चाशत् वर्षात् अष्टषष्टिवर्षपर्यन्तं जनसङ्घे राष्ट्रव्यापी संरचना निर्मिता। तस्य अथकप्रयत्नेन जनसङ्घः कांग्रेसस्य विकल्परूपेण प्रतिष्ठितः अभवत् तथा दिल्ली नगरनिगमस्य निर्वाचनं जित्वा प्रथमवारं सत्तां प्राप्तवान्।

दिल्ली भाजपाध्यक्षः विरेंद्र सचदेवः अवदत् यत् अद्य राष्ट्रं पण्डित दीनदयाल उपाध्यायं सेवाभावयुक्तं विचारकं कर्मयोगिनं च स्मरति, येन भारतीयराजनीतिः सत्तालाभाय न, अपितु सेवायै दिशां प्राप्तवती। एकात्ममानववादस्य सिद्धान्तः अद्यापि समप्रासंगिकः अस्ति। मानवजीवनस्य भौतिक, सामाजिक, आध्यात्मिक आवश्यकतानां समन्वितविकास एव वास्तविकप्रगति इति तस्य मतम् आसीत्।

अद्य प्रधानमन्त्रिणः नरेन्द्रमोदिनो नेतृत्वे प्रचलन्त्यः जनकल्याणकारी योजनाः तस्य विचाराणां आधुनिकरूपाणि सन्ति।

पण्डित दीनदयाल उपाध्यायस्य जीवनं सादगी, अनुशासन, त्यागस्य च अद्भुतम् उदाहरणम् आसीत्। तेन राजनीति राष्ट्रसेवायै माध्यमरूपेण स्वीक्रता। तस्य पुण्यतिथौ तस्य विचाराणां आचरणे अवतारणम् एव तस्मै यथार्था श्रद्धाञ्जलिः भविष्यति।

---------------

हिन्दुस्थान समाचार