झांसी मंडलस्य त्रीन् अधिकारिणः समेत्य प्रदेशस्य 40 अधिकारिभ्यो योगीसर्वकार दापयिष्यति विशिष्टं प्रशिक्षणम्

कृषेः, उद्यानस्य कृषि विपणनस्य कृषि विदेश व्यापारस्य च विभागानां अधिकारिभ्यो दापयिष्यते विशेषेण प्रशिक्षणम्

झांसी, 11 फ़रवरीमासः (हि.स.)।

उत्तरप्रदेशराज्यस्य सर्वकारः कृष्युत्पादानां निर्यातवृद्ध्या कृषकाणाम् आयवृद्धेः उद्देश्येन नानाविधान् प्रयासान् कुर्वती अस्ति। अस्यैव क्रमस्य अन्तर्गतं कृषि-उद्यान-कृषिविपणन-कृषिविदेशव्यापारविभागस्य अधिकारिभ्यः पञ्चदिवसीयं विशेषप्रशिक्षणं प्रदास्यते। अस्मिन् प्रशिक्षणे प्रदेशस्य सर्वेभ्यः अधिकारिभ्यः सह झांसीमण्डलस्य अधिकारिणोऽपि सहभागीभविष्यन्ति।

अधिकारिणां कौशलविकासेन कृषकान् निर्यात-तन्त्रज्ञानं शिक्षयितुं प्रक्रियाः बोधयितुं च सफलता प्राप्स्यते। कृष्याधारित-उत्पादानां अन्ताराष्ट्रियस्तरे विपणन-रणनीतिं निर्मातुं प्रसिद्धं जर्मनीदेशीयं ग्लोबल गैप् स्टैण्डर्ड् संस्थानम् उत्तरप्रदेश-सरकारस्य अधिकारिभ्यः प्रशिक्षणं दास्यति।

कृषिविपणन-कृषिविदेशव्यापारविभागस्य झांसीमण्डलात् त्रयः अधिकारिणः अस्य प्रशिक्षणस्य कृते चयनिताः सन्ति— सहायक-कृषिविपणन-अधिकारी गंगादयालः, ज्येष्ठ-कृषिविपणन-निरीक्षकः प्रखरकुमारः, जालौन-जनपदस्य ज्येष्ठ-कृषिविपणन-निरीक्षकः धीरपालसिंहः च। प्रदेशस्य समग्रतः चत्वारिंशत् अधिकारिणः प्रशिक्षणं प्राप्स्यन्ति। प्रशिक्षणस्य प्रथमः वर्गः 23 तः 27 फरवरी पर्यन्तं, द्वितीयः वर्गः 9 तः 13 मार्च पर्यन्तं भविष्यति।

झांसी-जनपदस्य ज्येष्ठ-कृषिविपणन-निरीक्षकः प्रखरकुमारः अवदत् यत् कृषिक्षेत्रे विश्वव्यापिनः नवाचाराः श्रेष्ठप्रयोगाश्च विषये प्रशिक्षणे सूक्ष्मज्ञानं प्रदास्यते। अन्ताराष्ट्रिय-मानदण्डानां बोधेन कृषकान् जागरूकान् कृत्वा तेषां उत्पादाः वैश्विक-मानदण्डानुसारं विकसिताः भविष्यन्ति, येन तेषाम् आयवृद्धिः साधिता भविष्यति।

---------------

हिन्दुस्थान समाचार