Enter your Email Address to subscribe to our newsletters
काठमांडूः, 13 फरवरीमासः (हि.स.)।
महाशिवरात्रिपर्वणः समीपागमनेन सह प्रतिवेशिदेशात् भारतस्य विविधप्रदेशेभ्यः नागासंन्यासिनां काठमाण्डूनगरे स्थिते पशुपतिनाथमन्दिरपरिसरे आगमनस्य क्रमः आरब्धः अस्ति। नागाबाबानां कश्चन समूहः शुक्रवासरे पारम्परिकशोभायात्रया सह मन्दिरपरिसरस्य प्रथमद्वारेण प्रविष्टः। एतेषां सर्वेषां नागासंन्यासिनां पशुपतिक्षेत्रविकासकोषस्य पदाधिकरिभिः आदरपूर्वकं स्वागतं कृतम्।
योगिनां चतुर्षु सम्प्रदायेषु संन्यासी वैष्णव नानक उदासी इति नागाबाबाः संन्यासिपरम्परायाः सम्बन्धिनः सन्ति। महाशिवरात्र्याः अवसरि एतेषां चतुर्णां सम्प्रदायानां साधुसन्तानां यूनेस्कोविश्वधरोहरसूच्यां समाविष्टे पशुपतिनाथमन्दिरे समागमः प्राचीनपरम्परा अस्ति। पर्वसमीपे आगच्छति सति मन्दिरपरिसरे श्रद्धालूनां संख्या निरन्तरं वर्धते।
पशुपतिक्षेत्रविकासट्रस्टेन उक्तं यत् श्रद्धालूनां कृते सुव्यवस्थितव्यवस्थाः सुनिश्चितुं महाशिवरात्रिपर्वं दृष्ट्वा सज्जता प्रबन्धनं च अधिकं सुदृढीकृतम्। अस्मिन् वर्षे प्रायः पञ्चदशलक्षसंख्याकाः श्रद्धालवः पशुपतिनाथमन्दिरे दर्शनार्थम् आगमिष्यन्ति इति सम्भावना अस्ति। मन्दिरप्रशासनेन सूचितं यत् चतुर्दशफरवरीदिनस्य अर्धरात्रे एकवादनात् एव मन्दिरस्य चत्वारः कपाटाः उद्घाटिताः भविष्यन्ति तथा पञ्चदशफरवरीमध्यरात्रिपर्यन्तं दर्शनार्थं उद्घाटिताः एव स्थास्यन्ति।
---------------
हिन्दुस्थान समाचार