Enter your Email Address to subscribe to our newsletters
वाराणसी, 13 फरवरीमासः (हि. स.)।
उत्तरप्रदेशस्य वाराणसी-नगरे राजातालाब-क्षेत्रस्य गंजारी-ग्रामे प्रायः ४५० कोटि-रूप्यक-व्ययेन निर्मीयमाणस्य अन्ताराष्ट्रिय-क्रिकेट-क्रीडाङ्गणस्य त्रिशूल-आदर्श-दीपप्रदीपान् मार्गतः दृष्ट्वा जनाः उत्साहेन पूर्णाः भवन्ति। स्थानीय-ग्रामवासिनः मन्यन्ते यत् एतत् अन्ताराष्ट्रिय-क्रिकेट-क्रीडाङ्गणं तेषां क्षेत्रे उन्नतिं आनयिष्यति। क्रीडाङ्गणे त्रिशूल-आदर्श-दीपप्रकाशेन अध्यात्मिकः प्रकाशः प्रसारितः भविष्यति।
गंजारी-निवासी अवधेश सिंह उक्तवान् यत् महाशिवरात्रि-पर्वणि प्रधानमन्त्री नरेन्द्र मोदी ग्रामवासिभ्यः क्रिकेट-क्रीडाङ्गणे त्रिशूल-रूपं दीपं दत्तवान्। एषः दीप-स्वरूपः त्रिशूलः ग्रामस्य कस्यापि कोणात् अपि साक्षात् दृश्यते। तम् दृष्ट्वा ग्रामस्य बालकाः हर्षेण परिपूर्णाः भवन्ति। केचन वृद्धाः तु हस्तौ संयोज्य त्रिशूलं प्रणमन्ति।
उपलब्ध-सूचनानुसारं वर्षे २०२३ तमे सेप्टेम्बर-मासे प्रधानमन्त्री नरेन्द्र मोदी वाराणसी-नगरे क्रिकेट-क्रीडाङ्गणस्य शिलान्यासं कृतवान्। एतत् क्रीडाङ्गणं त्रिंशत्-एकर-परिमिते क्षेत्रे निर्मीयते, यत्र ३० तः ४० सहस्र-पर्यन्ताः दर्शकाः उपवेष्टुं शक्नुवन्ति। भगवान् शिवात् प्रेरितया डमरु-त्रिशूल-आदर्श-रचनया सह चतुर्दश पिचाः अत्र निर्मिताः सन्ति। वर्षस्य २०२६ तमस्य अन्तपर्यन्तं एतत् पूर्णतया निर्माय सिद्धं भविष्यति।
---------------
हिन्दुस्थान समाचार