Enter your Email Address to subscribe to our newsletters
सुपौलम्, 13 फ़रवरीमासः (हि.स.)।
सुपौल-नगरम्। डीएसटीटीई इत्यनेन आयोजितायां राज्यस्तरीय ‘उमंग’ प्रतियोगितायां सुपौल अभियान्त्रिकी-महाविद्यालयस्य अध्यापकाः छात्राश्च उत्कृष्टं प्रदर्शनं कृत्वा अनेकानि पदकानि स्वनाम्नि लिखितवन्तः। नानाविधासु विधासु आयोजितायां अस्यां प्रतिष्ठित-प्रतियोगितायां प्रतिभागिनः अनुशासनस्य परिश्रमस्य प्रतिभायाश्च उत्कृष्टं परिचयं प्रदर्शितवन्तः।
प्रतियोगितायां महाविद्यालयस्य अध्यापकः ओमप्रकाश दुबे शतरंज-प्रतिस्पर्धायां उत्कृष्टं क्रीडनं प्रदर्श्य प्रथमं स्थानं प्राप्तवान् स्वर्णपदकं च जितवान्। अस्य उपलब्ध्या अध्यापकाः छात्राश्च समं प्रेरिताः सन्ति।
तथैव महाविद्यालयस्य छात्रा काव्या निर्मल एथलेटिक्स-उच्चलङ्घन-प्रतियोगितायां उत्कृष्टं प्रदर्शनं कृत्वा स्वर्णपदकं प्राप्तवती। अपरं च छात्रः युवराज सिंह गायन-प्रतियोगितायां स्वस्य मधुर-प्रस्तुत्या निर्णायकान् दर्शकान् च प्रभावित्य रजतपदकं प्राप्तवान्।
महाविद्यालय-प्रशासनं प्राचार्यश्च सर्वान् विजेतॄन् अभिनन्द्य उक्तवन्तौ यत् एषा उपलब्धिः संस्थानस्य बहुआयामी-प्रतिभायाः प्रमाणम् अस्ति। तौ विश्वासं व्यक्तवन्तौ यत् भविष्ये अपि छात्राः अध्यापकाः च एवमेव उत्कृष्टं प्रदर्शनं कृत्वा संस्थानस्य यशः वर्धिष्यन्ति। अस्यां सफलतायां सम्पूर्णे परिसरे उत्साहस्य गौरवस्य च वातावरणं वर्तते।
हिन्दुस्थान समाचार