Enter your Email Address to subscribe to our newsletters
लखनऊ, 14 फ़रवरीमासः (हि.स.)।
उत्तरप्रदेशस्य बुन्देलखण्ड-प्रदेशे बाँदा-जनपदस्य ऐतिहासिक-धरण्यां १५ फरवरीतः १७ फरवरी पर्यन्तं त्रिदिवसीयः कालीजारमहोत्सवो भव्यः आयोज्यते। ‘इतिहासस्य गुंजा संस्कृतेः आत्मा’ इति सूत्रवाक्याधारितः अयं महोत्सवः उत्तरप्रदेशस्य समृद्धां सांस्कृतिक-परम्परां लोकाचारान् कलात्मक-श्रेष्ठतां च अद्भुतरूपेण उत्सवयिष्यति। अस्य आयोजनं जिला-पर्यटन-संस्कृति-परिषदः तथा जिला-प्रशासनस्य संयुक्त-प्रयत्नेन कटरा-कालिंजर-मेला-मैदाने भविष्यति।
पर्यटन-संस्कृति-मन्त्री जयवीर-सिंह उक्तवान् यत् महोत्सवकाले बुन्देली-लोकनृत्यम्, आल्हा-गायनम्, भजनानि, लोकगीतानि च विविधरूपेण प्रस्तुतानि भविष्यन्ति, येन क्षेत्रस्य समृद्ध-परम्पराणां नूतनः मंचः प्रदास्यते।
कालिंजर-दुर्गस्य प्राकृतिक-सौन्दर्य-ऐतिहासिक-वैभव-समन्वित-पृष्ठभूमौ एषः उत्सवः आगन्तुकान् लोक-उत्सवस्य वातावरणे इतिहासेन संस्कृत्या च सह सम्बद्धुं अवसरं दास्यति। देश-विदेशेभ्यः आगच्छन्तः पर्यटकाः अपि अस्मात् अविस्मरणीयम् अनुभवं प्राप्स्यन्ति।
परम्परा नवोन्मेष च
त्रिदिवसीये अस्मिन् आयोजने यत्र एकतः रंगारङ्ग-सांस्कृतिक-कार्यक्रमाणां शोभा दृश्यते, तत्र अपरतः खेल-महोत्सवेन युवानां ऊर्जा प्रतिस्पर्धा-भावना च प्रोत्साहिता भविष्यति। ‘बाँदा गॉट टैलेंट’ इत्यनेन स्थानीय-प्रतिभानां स्वकला-प्रदर्शनस्य सुवर्ण-अवसरः प्रदास्यते। ‘आज की शाम कालिंजर के नाम’ इत्यस्य अन्तर्गतं नानाविधाः कलाकाराः, गायकाः, क्रीडकाः च स्व-प्रदर्शनैः दर्शकान् मोहितवन्तः भविष्यन्ति। अयं महोत्सवः स्थानीय-सांस्कृतिक-निक्षेपस्य दर्शनं दत्त्वा परम्परा-नवोन्मेषयोः उत्सवरूपेण प्रकाशिष्यते।
मण्डलीय-सरस-मेलायां राष्ट्रिय-ग्रामीण-आजीविका-मिशन-संबद्धाः महिला-स्वयंसहायता-समूहाः स्वनिर्मित-उत्पादनानां आकर्षक-प्रदर्शनीं स्थापयिष्यन्ति। विभागीय-आपणाः, सम्मेलनानि, गोष्ठ्यः च आयोजिताः भविष्यन्ति।
खेल-महोत्सवः तथा ‘बाँदा गॉट टैलेंट इति
क्रीडा-महोत्सवः प्रतिदिनं प्रातः ८ वादनात् अपराह्ण ४ वादनपर्यन्तं भविष्यति। १५ फरवरी दिनाङ्के खो-खो-प्रतियोगिता, १६ फरवरी दिनाङ्के कबड्डी-प्रतियोगिता, १७ फरवरी दिनाङ्के दंगल-प्रतियोगिता आयोज्यते। ‘बाँदा गॉट टैलेंट’ प्रतिदिनं अपराह्ण १ वादनात् ३ वादनपर्यन्तं भविष्यति। १५ फरवरी दिनाङ्के विद्यालय-स्तरीय-कार्यक्रमः, १६ फरवरी दिनाङ्के महाविद्यालय-स्तरीय-प्रतिभागिनां प्रदर्शनम्, १७ फरवरी दिनाङ्के जनपद-स्तरीय-विजेतृणां विशेष-सांस्कृतिक-प्रस्तुतयः आयोज्यन्ते।
‘अद्यतनी सायंसंध्या कालिंजरस्य नाम्ना
१५, १६, १७ फरवरी दिनेषु प्रतिदिनं अपराह्ण ४ वादनात् सायं ६ वादनपर्यन्तं ‘स्थानीय-सांस्कृतिकनिक्षेपस्य’ अन्तर्गतं बुन्देली-लोकसंस्कृतेः प्रस्तुतीः भविष्यन्ति। बुन्देली-लोकनृत्यम्, लोकगायनम्, वीररस-युक्तम् आल्हा-गायनम्, भजन-लोकगीतादीनि च दर्शकानां समक्षं प्रदर्श्यन्ते।
सायं ६ वादनात् रात्रौ १० वादनपर्यन्तं ‘आज की शाम कालिंजर के नाम’ इत्यनेन भव्य-सांस्कृतिक-सन्ध्या आयोज्यते। १५ फरवरी दिनाङ्के तृप्ति-शाक्या-समूहः, १६ फरवरी दिनाङ्के साधो-द-बैण्ड-समूहः तथा राधा-श्रीवास्तव-समूहः, १७ फरवरी दिनाङ्के ममता-शर्मा तथा राजा-रेन्चो स्व-प्रस्तुतिभिः महोत्सव-सन्ध्यां अविस्मरणीयां करिष्यन्ति।
अपर-मुख्य-सचिवः अमृत-अभिजात उक्तवान् यत् अयं महोत्सवः बुन्देलखण्डस्य ऐतिहासिक-चेतनायाः जन-भागीदारी-च सशक्त-उत्सवः अस्ति। पर्यटन-विभागस्य सतत-प्रयत्नेन बुन्देलखण्डस्य प्रसिद्ध-विरासत-स्थलानि राष्ट्रिय-अन्ताराष्ट्रिय-पर्यटन-मानचित्रे सुदृढतया प्रतिष्ठाप्यन्ते। अस्य आयोजनस्य पर्यटन-विकासे, स्थानीय-अर्थव्यवस्थायाः सशक्तीकरणे, सांस्कृतिक-परिचय-रक्षणे च महत्त्वपूर्णा भूमिका भविष्यति।
------------------
हिन्दुस्थान समाचार