Enter your Email Address to subscribe to our newsletters
हरिद्वारम्, 14 फ़रवरीमासः (हि.स.)।
आगामिनः कुंभमेलायाः व्यवस्थापरिप्रेक्ष्ये उत्तराखंड राज्यसम्पत्तिविभागस्य सचिवः आवास-डॉ. आर. राजेश कुमारः अद्य हरिद्वार स्थितं अटल बिहारी वाजपेई राजकीय अतिथि गृह, मायापुरम्, निरीक्षितवान्।
निरीक्षणकाले सचिवः आवासः अतिथिगृहस्य व्यवस्थाः परीक्ष्य विविधानि आवश्यकसुधारकार्याणि शीघ्रं सम्पन्नानि कर्तुं निर्देशान् अदात्। तेन भवनस्य छतात् जलस्रवणसमस्या तथा सीलनदोषस्य त्वरितं निराकरणं विद्युत्व्यवस्थायाश्च सुधारार्थं लोकनिर्माणविभागस्य अधिकारिभ्यः आदेशाः प्रदत्ताः।
सचिवः आवासः डॉ. कुमारः उक्तवान् यत् कुंभमेला २०२७ इति अवसरं दृष्ट्वा अतिथिगृहाणां सुविधाः उन्नीयन्ताम् इति प्राथमिकता अस्ति, येन आगच्छद्भ्यः अतिथिभ्यः अधिकारिभ्यश्च उच्चस्तरीयव्यवस्थाः प्रदातुं शक्येरन्।
अस्मिन् अवसरे तेन कक्षाः, सामूहिकनिवासगृहं, वाहनस्थापनस्थानं, भोजनालयः, पाकशाला, सभागारं तथा विशेष-अतिथिकक्षं अपि निरीक्षितम्।
अस्मिन् अवसरे अपरसचिवः राज्यसम्पत्तेः लक्ष्मणसिंहः, अधिशासी-अभियन्ता लोकनिर्माणविभागस्य दीपककुमारः, अधिशासी-अभियन्ता विद्युत्-यान्त्रिक-खण्डस्य पंकजनयालः, व्यवस्था-अधिकारी राज्य-अतिथिगृहस्य गिरधरप्रसादबहुगुणः, वरिष्ठसहायकः संजयकुमारसिंहः, अनिलसती च अन्ये सम्बन्धिताः अधिकारी-कर्मचारिणश्च उपस्थिताः आसन्।
---------------
हिन्दुस्थान समाचार