Enter your Email Address to subscribe to our newsletters
रांची, 15 फरवरीमासः (हि.स.)। महाशिवरात्रेः पावनावसरे हिंदू जागृति मंच झारखंड प्रदेश इत्यस्याः संस्थायाः पक्षतः प्रतिवर्षवत् अस्मिन् वर्षे अपि रांची नगरे स्थितस्य पहाड़ी मंदिर मुख्यद्वारे सेवा-शिविरम् आयोजितम्। अस्य शिविरस्य माध्यमेन श्रद्धालुभ्यः विविधाः सुविधाः प्रदत्ताः।
मञ्चस्य पक्षतः शिवभक्तानां कृते दुग्धं पुष्पाणि बिल्वपत्राणि अन्याः पूजासामग्री च निःशुल्कतया व्यवस्थापिताः, येन दूरदेशेभ्यः आगताः श्रद्धालवः कस्यचित् असुविधायाः अनुभवम् न कुर्वीरन्। आयोजनस्य सफलतायै प्रदेश-अधिकारी सुजीतसिंहः मुख्यरूपेण उपस्थितः सन् व्यवस्थायाः निरीक्षणं कृतवान्।
स्वयंसेवकाः प्रातः चतुर्वादनात् आरभ्य सेवा-कार्येषु संलग्नाः आसन्। ते श्रद्धालूनां पङ्क्तिबद्ध-दर्शने साहाय्यं, पूजासामग्री-वितरणं अन्यानि आवश्यक-सहाय्यानि च प्रददुः। भक्तानां कस्यापि कठिनतायाः अभावाय पूर्णसतर्कतया समन्वयेन च व्यवस्था सञ्चालिता।
सेवाकार्येषु सुजीतसिंहः, निशान्तयादवः, चन्दनसिंहराजपूतः, चन्दनमिश्रः, अभिजीतमिश्रः, रविचौधरीः, शिवानीपाण्डे, ऋषभसिंहः, नितिनोज्हा, अमितअग्रवालः, सुनीलबरणवालः, सत्यसिंहः, ओमप्रकाशशर्मा, सोनूभारद्वाजः, मयङ्कचौधरीः, अनुभवपासवानः, गौतम्बर्मन्, पहलादभगतः, सुष्मातिग्गा, अर्पितसिंहः, महेन्द्रप्रसाददागी च अन्ये कार्यकर्तारः सक्रियतया सहभागिनोऽभवन्।
मञ्चस्य पदाधिकारिणः अवदन् यत् महाशिवरात्र्यादिषु पावनेषु अवसरषु सेवाकार्यं कर्तुं तेषां महान् सौभाग्यम्। भविष्ये अपि समाजस्य श्रद्धालूनां च सेवायै समर्पितभावेन कार्यं निरन्तरं करिष्यामः इति ते संकल्पं व्यक्तवन्तः।---------------
हिन्दुस्थान समाचार